Hirugarren garaipena jarraian lortu du Sammic ISBk

Erabiltzailearen aurpegia
Atzoko partidako irudi bat. (ISB)

Atzo Basket Navarraren aurka 63-56 irabazi ostean, Zilarrezko LEB ligako lider jarraitzen du Sammic ISBk, Xuven taldearekin batera. Karena, Guridi eta Maiza jokalariak izan ziren atzoko partidan gehien nabarmendu zirenak.

Sammic ISBk Zilarraezko LEB ligako hirugarren jardunaldia jokatu zuen atzo, urriak 16, Basket Navarraren aurka, Azpeitiko kiroldegian. Partida oso parekatua izan zen, eta laugarren laurdenean erabaki zen guztia. Iraurgi agintzen hasi zen, baina ezin izan zuen markagailuan gehiegi urrundu, eta Nafarroako taldeak aukera baliatu eta markagailuan berdinketa lortzeko aprobetxatu zuen. Baina azken laurdena bikain jokatu ostean, Sammicek garaipena lortu zuen, 63-56 gailenduz markagailuan. Karena, Guridi eta Maiza jokalariak izan ziren gehien nabarmendu zirenak.

Sammic Iraurgik Zilarrezko LEB ligako lider jarraitzen du, Xuven taldearekin batera, orain arte partidarik galdu ez duten talde bakarrak baitira. Azpeitiko taldeak Albacete bisitatuko du hurrengo asteburuan eta laugarren garaipena lortzen saiatuko da.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide