Alexander Marcius asteko MVP-a bigarrenez

Erabiltzailearen aurpegia da hau Iraurgi Saskibaloi Taldea | Kirolak
2015ko aza. 23a, 16:54

Sammic ISBko jokalariak 34ko balorazioarekin amaitu zuen Ametx Zornotzaren aurkako partida eta, Coviran Granadako Jesus Fernandezekin batera, Zilarrezko LEB ligaren jardunaldiko jokalari onena izendatu dute.

Alexander Marcius, Zornotzaren kontrako derbiko jokaldi batean. (ISB)  Ikusi haundiago | Argazki originala

Alexander Sandi Marcius Zilarrezko LEB ligan zeresana ematen ari dela ez dago esan beharrik. Zortzi jardunaldi pasatu eta gero, Sammic ISBko pibota lehiaketako hirugarren jokalari baloratuena dugu, 20’25eko batez bestekoarekin. Eta ez da harritzekoa, dagoeneko bi aldiz lortu baitu kroaziarrak asteko jokalari baloratuena izatea; azkena, zortzigarren jardunaldi honetan, Ametx Zornotzaren aurkako partidan 34ko balorazioarekin amaitu eta gero.

Marciusek egin zuen partidako azken saskiratzea, amaierarako segundo baten faltan harmailak altxarazi zituen birrintze bat, eta garaipena hein handi batean berari esker lortu zen. 22 puntu sartu zituen (14/10 jaurtiketetan), 18!!! errebote eskuratu zituen, 2 asistentzia banatu, baloi 1 berreskuratu eta 6 falta jaso zituen. Zenbaki horiekin 34ko balorazioa lortu zuen eta, asteko bostekoan egoteaz gain, Coviran Granadako Jesus Fernandezekin batera jokalari onena bezala izendatu dute.

Zorionak, Sandi!

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu