Pankarta bat

Erabiltzailearen aurpegia da hau Iñaki Segurola | Iritzia
2019ko eka. 27a, 11:44

Iñaki Segurolak Urola Kostako Hitza egunkariaren 'Puntuka' atalean idatzitako iritzi artikulua da honako hau:

Edo bi agian. Eta kartelen batzuk. Hortik etorri da xextra. Kontatu beharko dugu aurrenik Algortako gertakaria: O. Enbeita bertsolari txapeldunak kantatu behar zuela eta "Onintza alde hemendik" bota diote bakarren batzuek pankartan edo karteletan, eta O.E.-gatik esan dute dela "inperialismoaren zerbitzaria" eta "posmofeminista". Badago hemen nobedade koxkor bat, eta da, nere gogoenean behintzat, holako gaizkietorririk ez zaiola egin inon bertsolari txapeldun bati; hau da: euskaljatortasun maitagarriaren ikur bati.

"Jazarpen onartezina" izan dela salatu dute O.E.-ren alde atera direnek, eta ez dutela onartzen "pertsonen aurka jotzea". Ez nator bat. Nik ez daukat berez ezer, arrazoizko neurri batean, hitzez jazartzearen eta pertsonen aurka jotzearen kontra, eta kasu honetan ez dut uste arrazoizko neurria izugarri pasa denik. Ni nago ekintzazko jazartzearen eta pertsonak jotzearen kontra, eta Algortan ez da holakorik izan. Eta gaxteenek ez dute seguru asko jakingo, eta esan beharra dago orain holako "jazartzeak" izugarriak iruditzen baldin bazaizkie ere zenbaiti, badirela hemen ezer esan edo egin ez zutenak egunkariak eta irratiak (esaten zutenagatik) itxi eta pertsonak jo eta torturatu zituztenean, eta badirela beste batzuk, askotxo (eta hauek dira orain garrantzizkoenak), ez zutenak ezer esan edo egin kazetariak eta esatariak (esaten zutenagatik) jazarri, mehatxatu edo hil zituztenean. Orduan, ekar ditzagun gauzak bere neurrira eta tamainara, faborez.

Jarraitu iritzi artikulua irakurtzen Urola Kostako Hitzaren webgunean.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu