Festa eta aldarria, Gazte Akelarrearen aurkezpenean

Erabiltzailearen aurpegia

Ernai eta Aintzina gazte erakundeek hilaren 13tik 15era egingo duten Gazte Akelarrea egitasmoa aurkeztu zuen joan den ostiralean, martxoaren 31n, Azpeitiko Ernaik. Festa eta aldarrikapena uztatuta, arratsalde-gau parterako egitaraua zuten antolatuta. 19:00etan dozenaka lagunek Sarek antolatutako hileko azken ostiraleko kontzentrazioan hartu zuten parte. Ondoren, trikitilari eta bertsolariek lagunduta, poteo aldarrikatzailea egin zuten herriko tabernetan barrena. Afal ondoren, berriz, Tutan Come On eta Cavalli taldeen kontzertuak izan ziren Orkatzen, eta ederki gozatu zuten zuzenekoetara gerturatu ziren herritarrek. 

Apirilaren 9an, igandean, amaituko da Gazte Akelarreko bonoak erosteko aukera, beraz, azkar ibili. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide