Festetako bideo artxiboaz

Sekula baino bideo kamera gehiago dago mugikorrei esker, karnabal hauetan ere makina bat irudi hartu da, baina garai batean Azpeitiko festetan kamera xaharrekin bideo artxibo lana zentzu, helburu edo nolabaiteko antolaketarekin egiten zen, Kaito, Madrazo eta haiekin, eta orain, ez. Zezen Beltzek, esaterako, hein handi batean haiei esker egin zuen iaz sokamuturreko dokumentala. Kaitok-eta utzi zioten egiteko hari; euren kabuz egiten zuten eta euren kabuz laga zioten. Segitu behar al da osatzen festetako bideo artxiboa? Hala bada, nola?