Eusko Legebiltzarreko hauteskundeak direla eta, Azpeitiko EH Bilduk lehen batzar irekia egingo du ostegunean, irailak 1, 19:00etan. Eta, bide batez, hauteskundeetarako erabiliko duen egoitza berria inauguratuko du. Lokala Goiko Kaleko 16. zenbakian dago, Egaña gozotegiaren ondoan.
Egoitza berria Azpeitiko EH Bilduk hauteskundeei begira egingo dituen ekintza guztietarako erabili nahi da; baita herritarrei informazioa emateko, eta eurekin hitz egiteko ere. Aurki emango da egutegiaren eta ordutegiaren berri.
Batzarrean, EH Bilduren egoera eta herritik egin beharreko lanak izango dira hizpide. Lokalaren inaugurazioa eta batzarraren ondoren, mokadutxoa egingo da bertan; eta herritar oro dago bertara gonbidatuta.