Agortu dira Azpeitia Zaindu kanpainaren bonuak

Erabiltzailearen aurpegia

Arrakasta handia izan dute bonuek, beste behin, eta hiru ordutan agortu dira.

Gaur goizean Azpeitia Zaindu kanpainaren bonuak jarri dituzte salgai Azpeitiko Udalak eta Bertan merkatari elkarteak. Kanpaina honen bitartez, herriko merkataritza, ostalaritza eta zerbitzu sektoreetako saltoki txikietan kontsumoa sustatu nahi da. Horretarako, herritarren eskura 2.000 bonu jarri dira, 35 euro ordaindu, eta 50 euroko balioa dutenak saltokietan erabiltzerakoan.

Goizeko 9:00tan hasi da bonu salmenta, bai presentzialki zein online, eta eguerdiko 12:00etarako bonu guztiak salduta zeuden. 1.835 bonu atera dira salmentara eta beste 165 aurten 18 urte betetzen dituzten herritarrei oparituko zaizkie. Horiek hurrengo asteetan jasoko dute etxean bonuen inguruko informazioarekin gutuna. Modu horretan, bertako kontsumoa sustatu nahi da gazteen artean ere.

Azpeitiko Udalak eta Bertanek eskerrak eman nahi dizkiete tokiko saltokien alde egin eta bonuak erosteko esfortzua egin duten herritar guztiei.

Erlazionatuak

Hasi dira Azpeitia Zaindu kanpainako bonuak saltzen

ekonomia

Azoka Plazan 09:00etatik 13:00etara eta 15:00etatik 17:00etara eskuratu ahal izango dira txartelak. Era berean, Internet bidez ere erosi ahal izang...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide