Herritarrei Gabonetako bideoan parte hartzeko dei egin die Bertanek

Erabiltzailearen aurpegia

Abenduaren 4an, zapatuarekin, spotaren azken sekuentziak grabatuko dituzte, 13:30ean hasita, plazan. Herritarrei grabaketan parte hartzeko deia egin die Bertanek.

Aurten ere Gabonetako spota grabatzen ari da Bertan merkatari elkartea, Kulturaz kooperatibaren laguntzarekin. Aurtengoan, Egan taldearen Bakarrik lo ez abestia moldatu dute, Xabier Saldiasen ahotsarekin eta Ekain Ibarguren aktore gisa jarrita. Merkatariak ere ari dira musikal itxura hartuko duen spotean parte hartzen.

Abenduaren 4an, zapatuarekin, baina, spotaren azken sekuentziak grabatuko dituzte, eta ahalik eta jende gehien bertaratzea nahi du elkarteak. Hain zuzen, 13:30erako jarri dute hitzordua, plazan. Oraingoz, spotaren aurrerapen bideoa zabaldu dute.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide