Atzo, martxoaren 5ean, langile bat eraila izan zen Azpeitian Amue kaleko Mendiaraiz lantegian. Gertaera salatzeko, Urola Erdiko Kontseilu Sozialistak kontzentrazioa deitu du biharko, 12:30ean hasita Azpeitiko plazan, eta Azpeitiko GKSk bat egingo du elkarretaratzearekin. Gogor salatu beharreko gertakaria da atzokoa, izan ere, urtea hasi zenetik Euskal Herrian bederatzigarren langile eraila da Azpeitikoa.
Kontzentraziora bertaratzeko deia luzatu nahi du Azpeitiko GKSk, lan istripu hilgarri hau salatzeko eta langile antolakuntza aldarrikatzeko basakeria kapitalista hau gelditzeko.