Azpeitiarrok '15.000 km baietz!' erronkari hasiera ematera goaz!

Erabiltzailearen aurpegia

Iazko maiatzean aurkeztu zuen Sarek Izan Bidea ekimena, Euskal Herriko biztanleak adina kilometro egiteko erronka. Azpeitiarrok ekimenari gure ekarpena egiteko asmoz, Azpeitiarrok 15.000 km baietz! erronkari hasiera emango diogu. Helburua da azpeitiko biztanleak adina kilometro egitea.

Konponbidearen alde, bizikidetzaren alde eta preso, iheslari nahiz deportatuak etxera ekartzeko urratsak ematea du helburu Sareren ekimenak. Egindako kilometroak Izan Bidea aplikazioan gordetzen ari gara, eta dagoeneko 850.000 km baino gehiago erregistratu dira.

Ekimenean parte hartzeko ondorengo pausoak jarraitu behar dira:

  •  Eskuratu Izan Bidea kamiseta/banderoa edo Euskal Preso eta Iheslariak Etxera! banderola.
  • Egiten duzun gailurrean, ibilaldian, bizikleta itzulian, igeri saioan... atera argazki bat.
  • Bidali argazkia eta egindako kilometroak azpeitikosareherritarra@gmail.com helbidera edo azpeitiko Sareren sare sozialetara. Gu arduratuko gara aplikazioan kilometroak erregistratzearekin.

Urtarrilaren 9an 680 azpeitiar izan ginean kalean urratsak ematen, eta datozen hilabeteotan ere 15.000 kilometrora iristeko herritar askoren ekarpena beharrezkoa izango da. Zuekin kontatzen dugu.

Pow eta Gotzon etxera ekartzeko izan bidea.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide