Azpeitian jarduera ekonomikoa eta kalitatezko lanpostuak sortzeko aukera galdu da

Erabiltzailearen aurpegia

Corrugados gaiaren inguruan sortutako azken albisteak direla eta, Azpeitiko EAJk honako balorazio hau egin du.

CL taldeak Corrugados enpresaren jarduera berraktibatzeari uko egin diola jakin ondoren, Azpeitiko EAJk honako hau adierazi nahi du:

1.- Albiste txarra da azpeitiarrentzat, eta krisialdi ekonomiko batean, udalerrian jarduera ekonomikoa eta kalitatezko lanpostua sortzeko aukera galdua.

2.- Azken udalbatzarrean, eta behin baino gehiagotan, alkateak ukatu egin zuen proiektu baten existentziaren berri izatea. Astelehenean jakin zen albisteak agerian uzten du bere argudioak faltsuak direla, eta ez duela gaitasunik udalerrian aberastasuna eta oparotasuna sortzeko ekimenak bideratzeko. Eta gainera, ahal dituen traba guztiak jarri ditu bere bideragarritasuna oztopatzeko.

3.- Udalean erakunde arteko batzorde bat martxan jartzea eskatu zuen EAJk azken osoko bilkuran, Corrugados berriro zabaltzeko egon daitezkeen gai legal eta tekniko guztiak ebazteko. Alkatearen itxikeriak eta Aldundiarekin eta Jaurlaritzarekin modu koordinatuan lanean aritzeari eman dion ezetzak garbi uzten du proiektuaren alde egiteko asmorik ez duela. Alkateak eta ezker abertzaleak ez dute Corrugados Azpeitian nahi; ez dute Corrugados berriro irekitzea posible dela ondorioztatzen duen legezko txostenik nahi eta ez dute beste erakundeekin lan egin nahi izan. Beste behin ere, herriaren etorkizunaren alde apustu egiten duten industria proiektuei bizkarra ematea erabaki du ezker abertzaleak.

4.- EAJk duen dokumentazio guztia azpeitiarrei eskura jarriko du, eta dokumentazio horrek zehazten du gardentasunez eta modu eskuragarrian, legezkoa eta posible zela Corrugados irekitzea, udalak denbora guzti honetan esan dituen gezur guztiak desmuntatuz.

Erlazionatuak

Corrugados Azpeitiaren Amue eremuko lantegia desmuntatzen hasi dira

Ekonomia

Lantegiko makinen jabe Metales Vela enpresak atzo aurkeztu zuen desmuntatze lanekin hasteko akta udaletxean, eta dagoeneko hasi dira zeregin horret...
Eusko Jaurlaritzak "ezinegona" adierazi du Azpeitiko Udalak Corrugadosen gaiarekin izan duen jarreragatik

Ekonomia 3

"Galdutako aukeragatik ezinegona eta tristura" agertu ditu Arantxa Tapia Ekonomiaren Garapen, Jasangarritasun eta Ingurumen sailburuak. Hark esan d...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide