Ikusgai da Gipuzkoa XLVII. Nazioarteko Trofeo Erakusketa Betharram aretoan

Erabiltzailearen aurpegia

Gipuzkoa Nazioarteko Trofeo Erakusketa lehiaketako argazkiak Betharrameko erakusketa aretoan daude ikusgai, hilaren 12tik 27ra bitartean. 

Urtero bezala, iraileko egun hauetan Gipuzkoa XLVII. Nazioarteko Trofeoko argazki bilduma ikus daiteke Azpeitian, hain zuzen, Betharran aretoan. Erakusketa gaurtik, hilak 12, hilaren 27ra izango da ikusgai.

Trofeo Gipuzkoa argazki lehiaketa 1948 urtean antolatu zen aurreneko aldiz. Urteetan gorabeherak izan ondoren, 1972an hartu zuen gaur egungo egitura.

Oraingoan, Mingchong Chen, txinatarrak aurkeztutako Mother and son by the Kenny River argazkia izan da garailea.   

Erakusketaren ordutegia honako hau da: astelehenetik ostiralera 18:00etatik  20:00etara eta asteburu eta jai egunetan 12:00etatik 14:00etara. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide