Gaur zabalduko dute Argizaiola 2018 argazki erakusketa

Erabiltzailearen aurpegia da hau Azpeitiko Argazki Elkartea | Kultura
2019ko uzt. 2a, 16:52

Gaur, uztailak 2, irekiko dute Argizaiola 2018 lehiaketako argazki erakusketa. Aurten berriro Betharrameko aretoan ikusi ahal izango dira irudiak.

Euskal Herriko argazki federazioak antolatzen duen leihaketa da Argizaiola. Argazkilari askoren esanetan, "lehiaketen artean txapelduna" da Argizaiola, bertara argazki bat aurkezteko antolakuntzatik gonbidapena jaso behar baita.

Gonbidapen hori Euskal Herriko argazkilariek soilik jasotzen dute, baina horretarako, baldintza bat bete behar dute: aurreko urtean zehar federazio barneko elkarteek antolatutako leihaketaren bat irabazi behar dute. Aurtengo Argizaiola saria Gasteizko Oskar Manso argazkilariak irabazi du, 'La busqueda' izeneko argazkiarekin.

Erakusketa uztailaren 14ra arte egongo da irekita. Astelehenetik ostiralera, 18:00etatik 20:00etara zabalduko dute, eta asteburuetan eta jaiegunetan, 12:00etatik 14:00etara.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu