26 lagun eta argazkilaritzarako zaletasuna, IX. Gau Txori rallyan

Erabiltzailearen aurpegia Azpeitiko Argazki Elkartea 2018ko mar. 6a, 13:59
Iazko Gau Txori argazki rallyko bilduma irabazlea (Imanol Manterola).

Parte-hartzaileek martxoaren 11rako bidali beharko dituzte aukeratutako argazkiak, gai bakoitzetik bat, gehienez.

Joan zen zapatuan, martxoaren 3an, izan zen Azpeitiko Argazki Elkarteak (AAE) antolatu ohi duen Gau-Txori rallya, eta beste urte batez parte-hartzaile ugari animatu zen probara. Argazkilaritzarako duten zaletasunak bultzatuta, 26 lagunek eman zuten izena aurtengo sariketan, Euskal Herriko txoko ezberdinetatik etorritakoak: Zumaia, Donostia, Beasain, Andoain, Errenteria, Barakaldo... Azpeitiko argazkilariak ere ez ziren falta izan. 

Gau Txori rallyan parte hartu zuten argazkilariek honako gai hauek landu behar izan zituzten: arkoa, silueta, bi elementu, eskultura eta mugimendua.

Behin egin beharrekoak bukatuta, sabelak betetzeko tartetxoa hartu zuten parte-hartzaileek, eta 20 lagun joan ziren urtero antolatzen duten afarira.

Parte-hartzaileek martxoaren 11rako bidali beharko dituzte aukeratutako argazkiak, gai bakoitzetik bat, gehienez. Irudiak argazkiakaae@gmail.com helbidera bidali beharko dira, partaidearen zenbakia eta gai bakoitzerako hautatzen den argazkiaren zenbakia adierazita. 

Iaz Imanol Manterola zumaiarrak irabazi zuen Gau Txori Rallya.