Urteetan erabili zuten gure amek eta amonek kozinatzeko teknika bat, eta inoiz baino indar handiagoz itzuli da teknika hura gurera: egun bat hartu eta orduak igaro jakiak prestatzen. Teknika horrek abantaila asko ditu, baina kontuan izan arrisku batzuk ere badituela.
Orain dela aste gutxi ikasle bat hil zela jakin ahal izan genuen, bost egun hozgailutik kanpo zeramatzan pasta platerkada bat jateagatik (ezer ez gertatzea miraría litzateke!). Janari eta gorpu hondarrak aztertzean, acilus cereus eta haren toxinaren kopuru handiak aurkitu zituzten.
Sukaldeko higiene eza osasun arrisku latza izan daiteke, eta helburu izan behar dute elikagai seguruak izateak eta elikadura intoxikazio arriskua gutxitzeak. Hori dela eta, hona hemen oinarrizko zenbait aholku: sukaldea garbi eta ordenatuta eduki; saihestu gurutzatutako kutsadura; sukaldeko trapuak egunero aldatu –bakterioen habia da trapu hezea–; jakiak prestatzerako eskuak garbitu eta lehortu; jakiak ez desizoztu giroko tenperaturan; haragia ondo egin, batik bat oilaskoa –sukaldatuta ez gorde egun bat baino gehiago–; eta zaila da prestatutako jakiak mantentzeko gomendioak ematea, baina hiruzpalau egun iraun dezakete, hozkailuaren tenperaturaren arabera.
Gozatu!