Kirolak

468 lagunek bukatu zuten Goenako proba

Uztarria.eus | 2003-02-19 : 15:02 | Kirolak

Otsailaren 9an ospatu zen Ikasberri Kirol Elkartearen V. Krossa eta Euskadiko XXXIX. Kross Txapelketa. Txapelketa Goenan egin zen. Helduen mailan, Juan Mari Garin eta Izaskun Zubeldia izan ziren garaileak; Senior mailan, Ivan Sanchez Diez eta Amaia Piedra Montero; Jubeniletan, Najib Errouane Fatima eta Aratz Rodriguez Bilbao eta Junior mailan, Pablo Mas Molina eta Maitane Jauregi Irizar. Baina atleta hauez gain hainbat lasterkarik igaro zuten helmuga. Hain zuzen ere 468 lagunek bukatu zuten proba. Parte hartzaile guztien sailkapena oso-osorik jarraian duzu:

Mindegiak eta Larretxeak lortu zuten Binakako Urrezko Aizkora

Uztarria.eus | 2003-02-17 : 12:02 | Kirolak

Mindegiak eta Larretxeak irabazi zuten Binakako Urrezko Aizkora. Atzo Azpeitiko kiroldegian jokatutako norgehiagokan, bikote irabazleak azken proban bi segundutako aldea atera zion Peñagarikanok eta Arrospidek osatutako bikoteari. Nazabal eta Olasagasti hirugarren izan ziren.

»» Erantzunak: 4 (Uztarria.eus)

Euskal kroslarien lehia Goenan

Uztarria.eus | 2003-02-05 : 12:02 | Kirolak

Kirol ekintza asko antolatu ohi ditu Ikasberri Kirol Elkarteak; eta atletismoan, krosak garrantzi handia du. Hala, otsailaren 9an, Euskadiko XXXIX. Kros Txapelketa egingo da Goenako kanpan, eta antolatzeko ardura Ikasberri Kirol Elkarteari eman dio federazioak.

 

»» Erantzunak: 7 (Uztarria.eus...)

Astelehenean ez da berogailurik eta ur berorik egongo igerilekuan

Uztarria.eus | 2003-01-31 : 12:01 | Kirolak

Udal Kirol Patronatuak jakinarazi duenez astelehenean, otsailaren 3an, ez da ur berorik eta berogailurik egongo udal igerilekuan.

Ikaspilotaren VIII. Pilota Topaketak Azpeitian

Ikaspilota | 2003-01-27 : 10:01 | Kirolak

Azpeitian ospatuko den VIII. pilota topaketa hau, otsailaren 11an izango da Izarraitz, Betharran eta Frontoi Txiki pilotalekuetan.

Areto futboleko Jostaldik garaipena behar du igoera postuetara hurbiltzeko

Areto Futbol Taldea | 2003-01-24 : 17:01 | Kirolak

Areto futbol taldeak arerio gogorra izango du bihar kiroldegian. Lehenengo itzuliari amaiera emango dion partida honetan azpeitiarrek urrezko hiru puntu izango dituzte jokoan. Izan ere, Jostaldi laugarrena da sailkapenean eta bere atzetik puntu bakarrera dagoen Billabonako Cash Converters taldearen aurka lehiatuko baita.

Gipuzkoako I. Esku Pilota Txapelketa Herrikoia abian da

Ikasberri pilota elkartea | 2003-01-15 : 15:01 | Kirolak

Gipuzkoako Pilota Federazioak, Ikasberri Pilota Elkartearen laguntzaz, eta GARA eta Forum-en babesarekin Gipuzkoako I. ez federatuen pilota txapelketa antolatu du Azpeitian.

»» Erantzunak: 1 (Uztarria.eus)

San Silbestre probako sailkapena

Uztarria.eus | 2003-01-13 : 12:01 | Kirolak

Pasa den urtean, Urte Zahar Egunez, abenduaren 31an alegia, Azpeitiko II. San Silbestre proba izan genuen herrian. 484 lasterkarik amaitu zuten proba. Berandu bada ere, hona hemen sailkapena oso-osorik.

 

»» Erantzunak: 1 (Uztarria.eus)

Josu Bereziartua mendizalea larunbatean abiatuko da Broad Peak-era

Uztarria.com | 2003-01-09 : 19:01 | Kirolak

Josu Bereziartua beste lau mendizaleren laguntzaz Broad Peak (8.047m) gailurrera igotzen saiatuko da. Espedizioa "Al filo de lo imposible" telebista saioak antolatu du eta dena ongi ateraz gero, martxoaren lehen astean saiatuko dira gailurrerako bidea egiten.

 

»» Erantzunak: 1 (Uztarria.eus)

Areto futboleko Jostaldik irabaziz hasi nahi du urtea

Areto Futbol Taldea | 2003-01-08 : 17:01 | Kirolak

.2002. urte amaieran gertatu ez bezala, Azpeitiko areto futbol taldeak hasiera ona eman nahiko dio urteari asteburu honetan Zaldibi taldeari irabazita. Azpeitiarrek ligako azken partida galdu zuten liderrarren aurka (4-3) eta, beraz, garaipenaren bidera bueltatu nahiko dute berriz, sailkapeneko goiko postuetara hurbiltzeko.

Joseba Albizu da 2002. urteko kirolaria

Uztarria.eus | 2002-12-27 : 18:12 | Kirolak

Gaur eguardian udaletxeko areto nagusian 2002. urteko kirolariei sariak banatu zaizkie. Urteroko ekitaldia izan da hau, Azpeitiko eta urteko kirolari onenaren izendapena. Aurrena, banan-banan, kirolez-kirol, kirol talde bakoitzak aukeratutako kirolari onenen sariak banatu dira. Guztira 25 sari. Ondoren, 2002ko kirolariaren saria banatu da. Saria Joseba Albizu txirrindulariarentzat izan da.

II. San Silbestre lasterketarako dena prest da

Uztarria.eus | 2002-12-26 : 13:12 | Kirolak

Iraurgi Atletismo taldeak antolatuta II. San Silbestre lasterketa datorren abenduaren 31ean izango da herrian. Lasterketa nagusia eguardian ospatuko da eta 8.300m izango ditu. Iraurgik Udalaren babesa izan du lasterketa antolatzeko.

Arbitroaren erabakiek nabarmen kaltetu zuten Jostaldi liderraren aurka jokatutako partidan

Areto Futbol Taldea | 2002-12-23 : 22:12 | Kirolak

Azpeitiko areto futbol taldeak txapelketa ofizialean parte hartzen daramatzan zazpi urteetan izan duen "lapurretarik handiena" sufritu behar izan zuen joan den asteburuan jokatu zuen partidan. Allerru Bekoerrota liderraren aurka jokatu zuen Lezon eta arbitroak batez ere bigarren zatian hartutako erabakiek –etxekoen aldekoak beti– nabarmen kaltetu zuten Jostaldi, partida galtzeraino. Talde azpeitiarrak idatzia helaraziko du aurki Gipuzkoako Areto Futboleko Federaziora, arbitroaren jarrera lotsagabea eta bertako jokalarien tratu mesprezagarria salatzeko.

»» Erantzunak: 1 (Uztarria.eus)

Joseba Albizuk Scanavino-La Verve talde profesionalarekin sinatu du bi denboralditarako

Uztarria.com | 2002-12-20 : 16:12 | Kirolak

Joseba Albizu azpeitiar txirrindulariak jada aurkitu du profesionaletara igarotzeko taldea, italiako Scanavino-La Verve taldea hain zuzen.

Joxe Takolo Beka Nanga Parbat 2002 espedizioarentzat izango da

Uztarria.eus | 2002-12-19 : 12:12 | Kirolak

Nanga Parbat 2002 espedizioak eskuratu du Joxe Takolo Beka, eta Santo Tomas Egunean, larunbatean, jasoko dute 3.606.07 euroko dirulaguntza. Epaimahaiak aho batez hartutako erabakia da hau, "proiektuaren mailan eta taldearen ibilbidean oinarrituta".

»» Erantzunak: 1 (Uztarria.eus)

104 kiloko burdinarekin Urko mendira igotzeko saiakera

Uztarria.com | 2002-12-13 : 11:12 | Kirolak

Igande honetan Inaxio Arregik marka bat ontzeko saiakera egingo du Eibarren. 104 kiloko burdina bizkarrean hartu eta 793 metro dituen Urko mendira igotzen saiatuko da. Herriko tren geltokitik aterako da goizeko 09:00etan eta mendiaren gailurreraino dauden lau kilometro eta erdi igo beharko ditu.

 

»» Erantzunak: 10 (Uztarria.eus...)

Areto futboleko Jostaldik garaipena behar du sailkapeneko goiko postuetara hurbiltzeko

Areto Futbol Taldea | 2002-12-11 : 18:12 | Kirolak

Astebeteko atsedenaldiaren ostean, Azpeitiko areto futbol taldeak azaroan erakutsitako maila ona berreskuratu nahiko du larunbat honetan Donostiako Benta Berri taldeari irabazita. Jostaldik Oreretan jokatu zuten azken partidan galtzaile irten zen (3-2) eta, beraz, asteburu honetan sailkapeneko goiko postuetara hurbiltzeko aukera eman diezaiokeen garaipena lortu nahiko du.

Xoxoteko aterbeko zaindari postua betetzeko deia egin du Lagun Onak Mendi Bazkunak

Lagun Onak Mendi Bazkuna | 2002-12-06 : 16:12 | Kirolak

Izarraitzen kokatutako Xoxoteko aterbearen eraberritze lanak bukatzear daudela eta, bertako zaindari postua betetzeko deialdia zabalduko du Lagun Onak Mendi Bazkunak.

»» Erantzunak: 3 (Uztarria.eus)

Iraurgi Saskibaloi Taldeak aurtengo denboraldian arituko diren taldeak aurkeztu zituen

Uztarria.eus | 2002-12-04 : 12:12 | Kirolak

Atzo arratsaldean Azpeitiko kiroldegian, Iraurgi Saskibaloi Taldeak aurtengo denboraldian maila desberdinetan arituko diren saskibaloi taldeak aurkeztu zituen.

 

Joseba Albizuk Cafes Baque talde berriaren eskaintzari uko egin eta Italiako talde batean korrituko du

Uztarria.eus | 2002-11-28 : 16:11 | Kirolak

Joseba Albizu txirrindulariak txirrindularitza profesionalerako jauzia emango du datorren denboraldian Italiako talde batekin.

 

»» Erantzunak: 2 (Uztarria.eus)

Emaitzak: 4935 | Orriak: 1 2 3 4 ... 239 240 241 242 243 244 245 246 247