Sañu Bizirik eta Oletan ere Ez taldeek deituta, manifestazioa izango da bihar Azpeitian, Mendietan zentral eolikorik ez! lelopean. Hitzordu horren atarian, taldea sortu zenetik gaur artean egindako hausnarketez eta dituzten kezkez solasean aritu dira Sañu Bizirik taldeko Ruben Sudupe eta Imanol Mujika. Piaspe proiektuaz, energia eolikoaz, trantsizio energetikoaz, mendien suntsiketak eragin ditzakeen kalteez eta beste hainbat kontutaz aritu dira, luze eta zabal.

Ehiza eta arrantza elkarteak ez du begi onez ikusten Sañoa, Komisolatza eta Pagotxeta aldean egin nahi dituzten zentral eolikoak eraikitzea, eta bat egin du Sañu Bizirik taldeak aurkeztu berri duen manifestuarekin.