Festak

Festak direla eta, gaueko autobus zerbitzu bereziak izango dira saninazioetan

Uztarria.eus | 2019-07-26 : 08:35 | Festak

Azpeitia eta Zarautz artean, Azpeitia eta Azkoitia artean nahiz Azpeitia eta Errezil artean hainbat joan-etorri egingo dituzte autobusek uztailaren 30ean, 31n eta abuztuaren 1ean.

 

Azpeitira heldu da 'Karabana' telebista saioa

Uztarria.eus | 2019-07-26 : 08:00

ETB1eko Karabana saio gastronomikoa Azpeitian izan zen atzo, osteguna. Baserritarren Eguna eta herriko jai giroa aprobetxatuz, saio ibiltariak Azpeitian egin zuen geldialdia, eta atal bat grabatzen aritu ziren goizean zein...

Giro ezin hobea Baserritarren Egunean

Uztarria.eus | 2019-07-25 : 15:15 | Festak

 

Eguraldi ezin hobearekin esnatu da eguna, eta halaxe joan dira Baserritarren Eguneko goizeko eta eguerdiko ekitaldiak ere. Festa giroa izan da nagusi plazan eta inguruan, eta jendetza batu da, nahiz...

»» Ikusi argazki guztiak (72)

Ikusmina piztu dute Cesar Valverde Pilota Txapelketako finalek

Uztarria.eus | 2019-07-25 : 15:00 | Festak

 

Dena ez da jan-edana izana gaur goiz eta eguerdi partean; izan ere, gaztetxoen kirol ekitaldi garrantzitsu bat ere izan da Izarraitz pilotalekuan. Hain zuzen ere, Cesar Valverde Pilota Txapelketaren XXV...

»» Ikusi argazki guztiak (26)

Nafarroako banderari omenaldia egin diote, beste urte batez

Uztarria.eus | 2019-07-25 : 14:44 | Festak

 

Nafarroako banderari omenaldia egingo diote gaur, Baserritarren eguna, Nabarralde Fundazioko Urolakoen Napar Zuzterrak taldekoek, 1512ko uztailaren 25ean sartu baitzen Albako Dukea Sakanan, Nafarroa osoaren konkistarekin jarraitzeko. Gertakari hura oroitzeko eta...

»» Ikusi argazki guztiak (22)

Ekitaldiz beteta dator Baserritarren Eguna

Uztarria.eus | 2019-07-24 : 17:00 | Festak

Bihar, osteguna, Baserritarren Eguna ospatuko da herrian, eta goizean goizetik hasita hainbat ekitaldiz gozatzeko aukera izango da. Santio egunez ohikoa den moduan, Sagardo Txapelketa eta dastaketa, ganadu erakusketa eta Gazta Lehiaketa izango dira, besteak beste. Horrez gain, pilota finalak, errekortariak nahiz bestelako ikuskizunak ere izango dira herritarren gozamenerako.

 

Eusebio Sacristan 'Use': "Ikaragarri plaza ona da Azpeitikoa"

Erabiltzailearen aurpegia da hau Zezen Beltz elkartea | 2019-07-23 : 21:47 | Festak

Azkeneko hiru urtean Eusebio Sacristan Use (La Seca, Valladolid, Espainia; 1989) izan da Errekortarien Txapelketako Azpeitiko saioko irabazlea, eta ostegun honetan (18:00) ere izango da gurean. Elkarrizketa egin dio Zezenbeltz.eus-ek.

 

San Inazio bezperako herri bazkarirako txartelak gaur eta etzi izango dira salgai

Uztarria.eus | 2019-07-24 : 08:08 | Festak

Gaur eta etzi, ostirala, 17:00etatik 19:00etara bitartean salduko dituzte bazkarirako txartelak eta kamisetak, plazako arkupeetan. Bazkarirako txartelak nahiz kamisetak, hamar eurotan erosi ahal izango dira.

 

Iazko zezenketetako irudiak ikusgai, Betharramen

Uztarria.eus | 2019-07-24 : 07:55 | Festak

 

Urtero legez, Azpeitiko Argazki Elkarteak aurten ere prestatu du zezenketei buruzko argazki erakusketa. Astelehenaz geroztik Betharrametako aretoan ikusgai dira iazko zezenketetan eta errekortarien ikuskizunean elkarteko kideek ateratako hainbat irudi. Abuztuaren...

»» Ikusi argazki guztiak (3)

Dagoeneko eman daiteke izena II. Gixau Txapelketan

Erabiltzailearen aurpegia da hau Haujijijai Batzordea | 2019-07-23 : 15:22 | Festak

Abuztuaren 1erako II. Gixau Txapelketa antolatu du Marea Arroxak, eta dagoeneko ireki da bertan parte hartzeko izen-ematea. Interesatuek, haujijijai@gmail.com helbidera idatzi beharko dute, edo Urola Expres, Orkatz edo Jim Clark tabernetan egongo diren izen-emate orriak bete. Festa batzordeak sua, olioa eta gatza banatuko dizkie parte hartzaile guztiei, baina haragia talde bakoitzak berea eraman beharko du.

 

Festak direla eta, aldaketak izango dira autobus geltokietan

Uztarria.eus | 2019-07-22 : 12:39 | Festak

Uztailaren 24tik (asteazkena) abuztuaren 4ra bitartean bertan behera geldituko dira Julian Elorza hiribideko eta Trenaren museoaren ondoko geltokiak. Autobusek bariantean egingo dituzte geldialdiak egun horietan.

 

Umeen eta Gaztetxoen Egun Arroxarako izen-ematea, bihar eta etzi

Erabiltzailearen aurpegia da hau Haujijijai Batzordea | 2019-07-22 : 10:56 | Festak

Igandean, hilak 28, Umeen eta Gaztetxoen Egun Arroxa izango da, eta bihar (asteartea) edo etzi (asteazkena) eman ahalko dute izena interesatuek, plazan; 12:00etatik 13:30era eta 17:00etatik 19:00etara. Sei euro ordaindu beharko da izen-ematea, kamiseta barne, eta iazko kamiseta erabili nahi duenak lau euro ordaindu beharko du. Bazkaria, jolasak, kantaldia eta kalejira antolatu ditu Marea Arroxak iganderako.

 

Inoiz baino anitzago datoz herriko festak

Uztarria.eus | 2019-07-19 : 12:45 | Festak

Uztailaren 25ean hasiko dira ekitaldi nagusiak, Baserritarren Egunarekin, eta abuztuaren 2ra bitartean, askotariko ekitaldiak izango dira. Lagun Onak futbol klubekoek eta Odol Emaileen Elkartekoek botako dute saninazioetako txupinazoa. Udalak erasorik gabeko festak aldarrikatu ditu; eraso matxisten inguruko informazioa emateko arreta gunea jarriko dute, eta aurten lehenengoz, telefono bidezko zerbitzua eskainiko dute.

 

»» Erantzunak: 10 (Elolakapitaina, herribatmunduan, Mzurbano, batzuek2, Herribatmunduan...)

Presoen eguneko afarirako txartelak salgai jarri dituzte

Uztarria.eus | 2019-07-19 : 11:19 | Festak

Orkatz eta Niza tabernetan eskura daitezke txartelak; hamabi euro ordaindu beharko dute ikasleek eta langabeek, eta hamabost euro gainerakoek. Egunean bertan ere erosi ahal izango dira txartelak.

 

Hasi dira barrakak herrira iristen

Uztarria.eus | 2019-07-19 : 08:30

Gero eta gutxiago falta da festetarako, eta ohi bezala, hasi dira barrakak herrira iristen. Betharrametako jolaslekua ari da pixkanaka betetzen, eta aurten ere haurrek izango dute zertaz gozatua. Gainera, aurtengoan...

Baserritarrak, sagardoa, gazta eta ganadua izango dira Santio eguneko protagonista

Uztarria.eus | 2019-07-18 : 15:25 | Festak

Aurtengoan, 23 sagardogilek parte hartuko dute 47. sagardo lehiaketan. Herritarrek sagardoa eta hegaluze nahiz txekor pintxoak dastatzeko aukera izango dute 12:00etatik aurrera. XXI. gazta txapelketan, berriz, 27 gaztagile ariko dira lehian. Aurtengoan eskualdeko ganadu erakusketa izango da Astotegian. Egun osoan zehar beste hainbat ekitaldi ere izango da, hala nola Cesar Valverde pilota txapelketako finalak, Nafarroako banderari omenaldia, kantujira eta errekortarien txapelketa.

 

Hasi dira festetako programa etxez etxe banatzen

Uztarria.eus | 2019-07-17 : 21:36

Ate joka dira Santio eta San Inazio jaiak, eta Azpeitiko Udalak eta Haujijijai Batzordeak dagoeneko prest dute jaietarako programa. Gaur, asteazkena, hasi dira festetako liburuxkak etxez etxe banatzen. Zapatuan hasi...

»» Erantzunak: 19 (Elolakapitaina, azpeitiar, Betikue, Larramendi...)

Marea Arroxa antolatzeko bilera irekia izango da gaur plazan

Erabiltzailearen aurpegia da hau Haujijijai Batzordea | 2019-07-17 : 12:25 | Festak

Marea Arroxa antolatzeko bilera izango da gaur, 21:00etan, plazako kioskoan. Bilera irekia izango da eta Haujijijai batzordeak bertan parte hartzeko deia egin die herritarrei.

 

XXXVII. Ollagorra usakume tiraketa izango da zapatuan

Erabiltzailearen aurpegia da hau Ollagorra Ehiza eta Arrantza Elkartea | 2019-07-17 : 10:02 | Festak

10:30etik 13:00etara eta 16:00etatik 18:00etara izango da tiraketa, Odriako zelaian. 2.000 euro egongo dira saritan, eta horrez gain, eskopeta bat, urdaiazpikoak, otarreak, gaztak eta arropak zozkatuko dituzte.

 

Festa inklusiboagoak egiteko, jaietako bi arratsaldetan ez da musikarik izango barraketan

Uztarria.eus | 2019-07-16 : 14:47 | Festak

Behar bereziak dituzten haurrek ere barrakez goza dezaten hartu dute uztailaren 27an eta 31n, 17:00etatik 19:00etara, Betharrametako jolastokian musikarik ez jartzeko erabakia udalak eta Marea Urdina elkarteak. Horrez gain, behar bereziak dituzten pertsonek barraketan ibiltzeko lehentasuna izan dezaten txartel batzuk kaleratuko ditu udalak.

 

»» Erantzunak: 3 (batzuek2, INIXI29, Marea Urdina)

Emaitzak: 1770 | Orriak: 1 2 3 4 5 6 7 ... 86 87 88 89