Ekonomia

Bingen Vila: "Lehen 150 bat pakete banatzen genituen egunean, eta orain 250 bat"

Uztarria.eus | 2020-04-26 : 12:16 | Ekonomia

Azpeitiko MRW bidalketa enpresaren bulegoaren jabea da Bingen Vila (Zestoa, 1971). Koronabirusaren krisia hasi zenetik, lana asko aldatu zaiela azaldu du; izan ere, ohiko bidalketa lanak gutxitu egin zaizkie, eta etxez etxeko banaketan dabiltza buru-belarri. Konfinamenduan herritarrek online erosketa gehiago egin dituztela azaldu du.

 

»» Erantzunak: 2 (Marta79, juaristi)

Mari Jose Aranguren: "Uste dut krisi honetatik ere hainbat ikasketa eta hobekuntza aterako ditugula etorkizunera begira"

Uztarria.eus | 2020-04-24 : 12:50 | Ekonomia

Mari Jose Aranguren (Urrestilla, 1969) ekonomian katedraduna eta Deustuko Unibertsitatearen Orkestra lehiakortasunerako euskal institutuko zuzendari nagusia da. Anartz Izagirre kazetariak bideo-dei bidez elkarrizketatu du Aranguren #EtxetikEtxera saiorako, eta COVID-19aren krisia...

Postu gehiago jarri dituzte baserritarren azokan

Uztarria.eus | 2020-04-21 : 11:30 | Ekonomia

 

Koronabirusa zela eta, hainbat ekoizlek baserritarren azokara joateari utzi zioten, baina pixkanaka-pixkanaka hasi dira horiek azokara itzultzen. Gaur, asteartea, joan zen astean baino baserritarren postu gehiago izan dira Azoka Plazan...

»» Ikusi argazki guztiak (4)

Mikel Benitez: "Galdu bada ere, guk eutsi egin diogu kafearen kulturari"

Uztarria.eus | 2020-04-21 : 08:54 | Ekonomia

Ostalaritzarekin lotura estua dute Benitez anaiek. Kafean adituak izanik, Taba-ko Terzi kafetegian dabiltza buru-belarri. Mikel Benitezekin hitz egin du Maialen Etxaniz kazetariak Zu zeu atalerako, 2020ko apirileko Uztarria aldizkarian.

 

Autonomo eta ETEentzako laguntzak handitzea aztertzen ari da Lanbide

Uztarria.eus | 2020-04-16 : 12:51 | Ekonomia

Bart gauerdian ireki zuten erakundearen webgunean sektore horietako kideek laguntzak eskatzeko epea, eta 10.000 eskaera baino gehiago jaso dituzte dagoeneko. Orain, horiek denak aztertuko dituzte, baldintzak betetzen dituzten ala ez jakiteko.

 

Alberto Zabala: "Orokorrean, herri txukuna da Azpeitia"

Uztarria.eus | 2020-04-16 : 09:30 | Ekonomia

Zabor biltzailea da Zabala eta berak erantzun ditu Maialen Etxaniz kazetariak ofizioen elkarrizketa laburrerako egindako galderak, 2020ko apirileko Uztarria aldizkarian.

 

Etxebizitzaren apirileko eta maiatzeko alokairu eta mailegu gastuak ordaintzeko dirulaguntza lerroa zabaldu du udalak

Uztarria.eus | 2020-04-14 : 14:24 | Ekonomia

Kontratupean edo autonomo gisa lanean aritzen diren eta koronabirusa tarteko siru sarreretan aldaketak jasan dituzten beharginek egin ahal izango dituzte eskaerak ekainaren 15era bitartean. Udalak 80.000 euro bideratuko ditu laguntza horietara. Etxebizitzen alokairurako ohiko dirulagutza eskaerak ere egin daitezke dagoeneko.

 

Jendearen erantzuna: sekulako ilarak azokan

Uztarria.eus | 2020-04-14 : 14:15

Eusko Jaurlaritzak baserritarren azokak debekatu izanak sekulako harrabotsa eragin zuen joan den astean. Hainbat eragile agertu ziren erabaki horren aurka, eta Azpeitiko Udalak azoka zabalik mantentzea erabaki zuen, eskumena udalarena...

Eusko Jaurlaritzak atzera egin eta azokak baimenduko ditu

Berria | 2020-04-11 : 13:25 | Ekonomia

Ohiko azoka neurri bereziekin egiten ari dira Ondarroan, Oñatin eta Zarautzen. Bergaran, Azpeitian eta Ordizian ere modu horretan egiten jarraitzea erabaki dute udalek, eta azoken eskumena eurena dela argudiatu dute.

 

Baserritarren postuak mantenduko ditu udalak, beharrezko prebentzio neurriak hartuta

Uztarria.eus | 2020-04-10 : 19:55 | Ekonomia

Eusko Jaurlaritzak azokak ixteko agindua eman arren, Nagore Alkorta Azpeitiko alkateak adierazi du udalei dagokiela baserritarren salmenta postuen kudeaketaren ardura. Hori horrela, neurri "zorrotzenak" hartuta, astearteetako eta ostiraletako lehen sektorearen salmenta postuak mantentzeko konpromisoa hartu dute baserritarrek eta udalak.

 

»» Erantzunak: 4 (OlatzG, alaken, Erdoizta)

Azokak berriz zabaltzeko eskatu dute hainbat eragilek

Uztarria.eus | 2020-04-10 : 15:32 | Ekonomia

Eusko Jaurlaritzak herenegun agindu zuen elikagaien azokak ixtea. Horri erantzunez, azokak baimentzearen eta bultzatzearen aldeko adierazpen bat atera dute 60 eragile inguruk; ekoizleak, kontsumo elkarteak, talde ekologistak, sindikatuak eta alderdiak daude tartean. Haien artean da, besteak beste, Azpeitiko Elikagunea.

 

Elikagaien azokak debekatu ditu Eusko Jaurlaritzak

Uztarria.eus | 2020-04-09 : 16:39 | Ekonomia

Osasun larrialdiak iraun bitartean, baserritarren azokak debekatu ditu erakundeak. Nekazarien sindikatuek gogor salatu dute erabakia.

 

»» Erantzunak: 2 (Tx, Juanlu)

Jaten eta edaten, ezin eman

Uztarria.eus | 2020-04-08 : 09:20 | Ekonomia

COVID-19 gaitzak are gehiago mikaztu du lehendik ere korapilatsua zen tabernarien egoera. Hainbat dira tabernen nahiz jatetxeen guneen itxieraren eraginez ezohiko neurriak hartu dituzten ostalariak. Uztarria.eus-ek herriko hiru ostalarirekin hitz egin du, koronabirusa dela-eta etorri denaz eta etortzeko dagoenaz.

 

Plataforma bateratua sortu du Aldundiak COVID-19arekin lotutako laguntzen berri emateko

Uztarria.eus | 2020-04-04 : 13:51 | Ekonomia

Jarduera ekonomikoan izandako kalteak arintzeko norbanakoei, autonomoei zein enpresei zuzendutako programa, dirulaguntza eta baliabideen inguruko informazioa plataforma digital bateratu horretan jarriko du Gipuzkoako Foru Aldundiak.

 

Rosa Urkizu: "Gazteak oso gutxi eta oso tarteka etortzen dira"

Uztarria.eus | 2020-04-04 : 09:35 | Ekonomia

Kioskoko langilea da Urkizu eta berak erantzun ditu 2020ko martxoko Uztarria aldizkarian Maialen Etxaniz kazetariak ofizioen elkarrizketarako egindako galderak.

 

Autonomoen eta enpresa txikien autolikidazioak eta aitorpenak aurkezteko epea atzeratu du Aldundiak

Uztarria.eus | 2020-04-02 : 09:05 | Ekonomia

Ekainaren 1era atzeratu du autonomo, mikroenpresa eta enpresa txikiei urteko lehen hiruhilekoari dagozkion autolikidazio eta aitorpenak aurkezteko epea. Aldundiaren arabera, 225 milioi euroko zerga bilketa atzeratzea dakar.

 

Turismoaren sektoreko autonomoentzat eta enpresa txikientzat dirulaguntza lerro bat zabalduko du Aldundiak

Uztarria.eus | 2020-04-01 : 15:40 | Ekonomia

COVID-19ak sortutako kalte ekonomikoei aurre egin ahal izateko banatuko dituzte laguntzak, eta besteak beste, jarduera horretan gutxienez sei hilabeteko aintzinatasuna duten turismo agentziek, gida turistikoek nahiz turismo enpresek eskatu ahal izango dituzte horiek. Egitura eta zirkulazio gastuak ordaintzeko baliatu beharko dira dirulaguntzak.

 

Atzeratu egin dute enpresa txikien eta autonomoen kuota ordainketa

Uztarria.eus | 2020-03-31 : 19:48 | Ekonomia

Espainiako Ministroen Kontseiluan enpresa txikien, ertainen eta autonomoen kuotak eta Gizarte Segurantzako kotizazioen ordainketak sei hilabetez atzeratzea onartu dute gaur, asteartea.

 

»» Erantzunak: 2 (Tx, OlatzG)

Enpresariak ateak ez ixteko "zirrikitu bila" ari direla salatu dute sindikatuek

Uztarria.eus | 2020-03-31 : 08:36 | Ekonomia

Espainiako Gobernuak funtsezkotzat jo ez dituen enpresek itxita egon beharko dute gaurtik aurrera. Neurri berria arautzeko dekretua igande gauerdian atera zen, eta nahasmena sortu du horrek lantokietan. Dena den, LAB sindikatuak emandako datuen arabera, Azpeitian itxita daude Arimar, Areka, Ormola, Tecnicur, Glual, Tecnalia, Biele, Astigarraga Kit Line eta Sarralle. LAB sindikatuak salatu du enpresariak, orokorrean, "zirrikitu bila" dabiltzala beren enpresak irekita mantendu ahal izateko.

 

Langileek enpresak betetako formulario baten bitartez egiaztatu beharko dute lanera doazela

Uztarria.eus | 2020-03-30 : 18:07 | Ekonomia

Espainiako Gobernuak beharrezkoak ez diren jarduera ekonomiko guztiak bertan behera uztea erabaki zuen atzo, 10/2020 dekretuaren bidez, eta beraz, funtsezkoak diren jardueretan aritzen diren langileek egiaztatu egin beharko dute beren jarduna. Udaltzaingoak eta Ertzaintzak eskatuko ditu formularioak lanerako joan-etorriak egiaztatzeko.

 

»» Erantzunak: 5 (Marta79, OlatzG, Betikue, Gabiriko Pablo)

Emaitzak: 1365 | Orriak: 1 2 3 4 5 6 ... 66 67 68 69