Efemerideak

  • 2015-11-27. Valverde drogeriak Gipuzkoako Bazkundearen '10 Bitxiak' sarietako bat jaso zuen.
  • 2015-11-25. Gorakadaren 'Moby Dick' lanak irabazi zuen Euskal Antzerki Topaketetako Ikusleen Saria.
  • 2015-11-21. 'Antxieta arkeologi taldea, 50 urte lanean gozatuz? liburua aurkeztu zuten udaletxean, taldearen mende erdiko ibilbidea jasoz Udalak argitaratua.
  • 2015-11-17. Hausnartu Euskal Soziolinguistika sarietako bat irabazi zuen Haritz Etxeberriak, 'EAEko gehiengo euskalduna duten udalerriak epaitegi erdaldunetan' lanarekin.
  • 2015-11-13. Sanjuandegiko auzo lokal berria inauguratu zuten, igerilekuko eraikinean.
  • 2015-11-12. 'Nire barneko mendiak' liburua aurkeztu zuen Jose Mari Azpiazuk.
  • 2015-11-12. Fernando Sanchez Aranazek idatzitako 'Iñigo de Loiola, tribulaciones entre Navarra y Roma' liburua aurkeztu zuten Loiolan.
  • 2015-10-30. Miren Gorrotxategik Agustin Zubikarai beka irabazi zuen, '33 ezkil' idatzi asmo zuen eleberri proiektuarekin.
  • 2015-10-29. Mikel Aiestarani eman zion 2015eko Euskal Kazetariak Saria Euskal Kazetarien Elkarteak (EKE).
  • 2015-10-24. Pedro Otaegi aktorea omendu zuten, Euskal Antzerki Topaketen Antzerkizale Egunaren barruan.
  • 2015-10-14. Urritasunen bat duten pertsonek kudeatutako Euskal Herriko eta espainiar estatuko lehen supermerkatua ireki zuten Eroskik eta Gureak taldeak Azpeitian, Bustinzuriko Errebalean.
  • 2015-10-3. UEMAko lehendakari izendatu zuten Josu Labaka Azpeitiko zinegotzia, Udalerri Euskaldunen Mankomunitateak Azpeitian egindako batzar nagusian.
  • 2015-10-3. Izarraitz Igeri Elkarteak 30. urteurrena ospatu zuen.
  • 2015-9-26. Euskal Herriko I. Sagardo Txapelketa Herrikoiaren finala egin zuten Berdura plazan. Astigarragako Petritegi sagardotegiak irabazi zuen saria.
  • 2015-9-26. Ikastolen Elkarteak Azpeitian, Soreasu antzokian, egin zuen ikasturte berriaren irekiera ekitaldia, herrian lehen ikastola sortu zeneko 50. urteurrena gogoan hartuta.
  • 2015-9-20. Basilio Urbistondo gudari urrestildarra omendu zuen Udalak.
  • 2015-9-17. Udal Musika Bandaren eta Julian Barrenetxea Abesbatzaren egoitza berria inauguratu zuten Soreasu kulturgunean.
  • 2015-9-12. Asier Cuevas atleta bigarren sailkatu zen 100 kilometroko Munduko Txapelketan, Herbehereetan.
  • 2015-9-6. Hiru gazte -azpeitiar bat eta bi errezildar- hil ziren Lasaon auto istripuz, Zestoako festetatik bueltan.
  • 2015-8-30. Hego Tiroleko eta Suitzako selekzioak gailendu zirenLoiolako zelaietan jokatutako Europako Sega Txapelketan.
  • 2015-7-30. Europako Sega Txapelketa iragartzeko Etxebeltz-Izarrako biribilgunean jarria zuten belar-metari su eman zioten.
  • 2015-7-27. Loiolako Turismo Bulego berria inauguratu zuten, santutegiaren aurrekaldean.
  • 2015-7-26. Nicolas Oteiza 'Kaito' Azpeitiko Kultur Mahaiko ohorezko bazkide izendatu zuten.
  • 2015-7-25. Garazi Gurrutxaga eta Asier Ibarguren azpeitiarrek Gipuzkoako Helduen 66. Dantza Solteko Txapelketa irabazi zuten.
  • 2015-7-25. Azpeitiak esku-pilotako Euskal Herriko Herriarteko Txapelketa irabazi zuen, Iruñean jokatutako finalean Uharte 1 eta 2 gaindituta.
  • 2015-7-23. Espainiako Auzitegi Gorenak ontzat jo zuen Gallardok Corrugadoseko langileak bota izana, 2014ko epaia berretsi eta ELA eta LABeko ordezkari sindikalek jarritako helegitea atzera bota ondoren.
  • 2015-7-23. Iraurgi Saskibaloiko emakumeen talde nagusia 2015-2016 denboraldian Espainiako maila gorenean ariko zela jakinarazi zuen Espainiako Saskibaloi Federazioak.
  • 2015-7-23. Joxe Arruti 'Xurubille' tronpeta-jotzailea hil zen, 71 urte zituela. 58 urtez aritu zen Arruti Azpeitiko Musika Bandan.
  • 2015-7-21. Imanol Eliasen familiak Udalaren esku utzi zituen hark idatzitako liburuak-eta.
  • 2015-7-15. Amaia Azkueren hiltzaileak 2012an jaso zuen 10 urteko zigorra adingabekoentzako zentroan betetzen jarraitzea ebatzi zuen Donostiako Adingabekoen Epaitegiko epaileak.
  • 2015-7-10. Oihana Goenaga igerilariak Espainiako Txapelketan urrea irabazi zuen 200 metro libreetan.
  • 2015-7-5. Azpeitiak esku-pilotako Gipuzkoako Herriarteko Txapelketa irabazi zuen, laugarren aldiz, Donostian jokatutako finalean Tolosa 3 eta 0 menderatuta.
  • 2015-7-4. Ansa II.ak eta Agirrezabalak irabazi zuten Azpeitiko XVI. Erremonte Txapelketa.
  • 2015-6-29. Txillidaren Loiolako eskultura lurrera bota izana salatu zuen Udalak. Ekainaren 25eko gauean aurkitu zuten artelana botata.
  • 2015-6-29. Plazako kiosko berriaren lanak hasi zituzten.
  • 2015-6-25. Granada bat aurkitu zuten Foru Ibilbideko etxe bateko ganbaran.
  • 2015-6-24. Haurrentzako jolas parkea jarrita, bukatuta gelditu ziren Aratzerrekako plaza berritzeko lanak.
  • 2015-6-24. Javier Larrañaga Gipuzkoako Finantza eta Ogasun diputatu izendatu zuten.
  • 2015-6-19. Eguzkiñe Egaña zarauztarrak irabazi zuen XXXIII. Euskal Antzerki Topaketen kartel lehiaketa.
  • 2015-6-18. Orkatz konfiskatzeko agindu zuen Espainiako Auzitegi Gorenak, 'herriko tabernen' kontrako epaia berretsita.
  • 2015-6-17. Maialen Etxanizek ikusleen saria jaso zuen Euskadiko Gazteria Kontseiluaren bideo lehiaketan.
  • 2015-6-14. Malagak irabazi zuen futboleko alebin mutilen Azpeitia Cup txapelketa.
  • 2015-6-6. Festa giroan inauguratu zuten Azkue lantegia, Azcue y Cia altzari enpresaren lekukoa hartu zuena.
  • 2015-5-24. EH Bilduk irabazi zituen udal hauteskundeak, gehiengo osoarekin (%52,03). EAJ izan zen bigarren bozkatuena (%41,29). Bi alderdiok soilik lortu zuten ordezkaritza, 10 eta 7 zinegotzirekin, hurrenez hurren.
  • 2015-5-17. Zurt ISB taldeak Espainiako Emakumeen Bigarren Mailarako igoera lortu zuen, herriko kiroldegian jokatutako igoera fasean nagusitu ondoren.
  • 2015-5-15. Gorka Azkunek saria jaso zuen IkerGazte 2015 ikertzaile euskaldunen lehen kongresuan, Ingeniaritza eta Arkitektura arloan.
  • 2015-5-15. Joxe Mari Eizagirre, Lagun Onak Futbol Taldeko presidente izandakoa, hil zen.
  • 2015-5-14. Gorka Azkunek CAF-Elhuyar Dibulgazioko artikulu onenaren saria jaso zuen. Ekitaldi berean, merezimenduen saria jaso zuen Julian Bereziartua sendagileak.
  • 2015-5-14. Joxe Takolo Beka jaso zuten 'Incognita Patagonia 2015' proiektuaren egileek (Ibai Rico, Evan Miles eta Eñaut Izagirre).
  • 2015-5-11. Jon Lapeirak urrezko domina irabazi zuen Lanbide Heziketako SpainSkills 2015 txapelketan.
  • 2015-5-3. Antonio Pedrerok (Lizarte) irabazi zuen XLV. Urrakiko Igoera.
  • 2015-4-26. Iñigo Ibañezek Gipuzkoako Eskolarteko Bertsolari Txapelketa irabazi zuen.
  • 2015-4-25. Aingeru Castrok irabazi zuen Azpeitiko XVI. Rallysprinta; Joxe Labaka hirugarren tokian sailkatu zen.
  • 2015-4-22. Azpeitiko Herritarren Foroa, giza eskubideen urraketa eta bazterketa egoerak jasandako hainbat herritarrek osatua, jendaurrean aurkeztu zuten, Sanagustin kulturgunean.
  • 2015-4-13. Kiosko zaharra kentzeko lanak hasi zituzten, plaza Nagusia eraberritzeko lanen barruan.
  • 2015-3-28. Emmanuel Bettek eta Monica Jepkoechek irabazi zuten XXII. Azkoitia-Azpeitia maratoi erdia.
  • 2015-3-26. Maddi Zabala eta Naiara Izagirre azpeitiarren Zilargi Bitxiak enpresak saria jaso zuen Artiola Artisautzaren Guneak antolatutako 'Argia oinarri' diseinu lehiaketan.
  • 2015-3-22. 19. Korrika herritik igaro zen.
  • 2015-3-18. Orhantza Alegria eta Xabier Otamendi absolbitu zituen Espainiako Auzitegi Nazionalak. 2010ean Iosu Urbieta 'Pow'-ren askatasuna eskatuz pintada egiten ari zirela atzeman zituen Ertzaintzak, eta terrorismoa goratzea eta erresistentzia delitua egotzita epaitu zituzten.
  • 2015-3-12. Haurrentzako jolas parke berria jarri zuten Olazko Andre Mariaren plazan.
  • 2015-3-11. Azpeitian 1936-1945 epean errepresaliatutako 300 bat lagunen zerrenda plazaratu zuen Aranzadik.
  • 2015-3-7. Nagore Aranburuk aktore onenaren saria jaso zuen Palentziako Nazioarteko Zinema Erakustaldian, 'Zarautzen erosi nuen' film laburrean egindako lanagatik.
  • 2015-3-1. Andoni Azpillaga 'Banana'-k bigarren postua lortu zuen Alemanian jokatutako txakurkroseko sprinteko Munduko Txapelketan.
  • 2015-3-1. Iñigo Larizek eta Montserrat Vazquezek irabazi zutenVII. Zuzenien lasterketa.
  • 2015-2-28. Ainara Torviscok zilarrezko domina eskuratu zuen Euskadiko Light-Kick Txapelketan.
  • 2015-2-28. Jose Mari Orbegozok Pasodobleko Europako Txapelketa irabazi zuen, Amaia Gonzalez bikotekidearekin.
  • 2015-2-26. Udalak Espainiako bandera udaletxean jartzeko agindua jaso zuela baieztatu zen.
  • 2015-2-25. Zestoako Erlaitz haitzuloan labar arte paleolitikoko grabatuak topatu zituela jakinarazi zuen Antxieta Arkeologia Taldeak.
  • 2015-2-25. Azpeitian 1960 eta 2014 urteen bitartean izandako eskubide urraketen txostena aurkeztu zuten Udalak eta Aranzadi Elkarteak.
  • 2015-2-18. Julen Belamunok 'Ukabilak eta loreak' aurkeztu zuen, bere lehen ipuin liburua.
  • 2015-2-9. Xabier Izagirrek Euskadiko Sukaldaritza Eskolen VI. Eusko Label saria jaso zuen, Donostian.
  • 2015-1-24. Xanti Rodriguezek publizitate arloko argazkilaritzako Goya saria jaso zuen.
  • 2015-1-19. Helduen danborradan 50 urte bete zituzten Landeta-Egizale eta Gure Ametsa taldeak, eta Gure Ametsako zuzendari Manuel Altuna 'Kanpaxa', omendu zituzten udaletxean, gauerdian bandera igo ondoren. Plazan, talde guztiak elkarturik, Gure Esku Dago-ren abestia jo eta abestu zuten.
  • 2015-1-13. Paulo VI.a eta Garate Anaia arteko igogailua "nahita" hondatu izana salatu zuen Udalak.
  • 2015-1-12. Zestoako Danbolinzulo koban 2014ko abenduaren 14an aurkitutako Paleolito garaiko labar-margoen berri eman zuen Antxieta Arkeologia Taldeak.
  • 2015-1-4. Martina Bastida Goenaga (1920-2013) urrestildar erlijiosoaren omenezko oroitarria jarri zuten Malagonen (Ciudad Real, Espainia), hango alaba kutun izendatu ondoren.
  • 2015-1-3. Patxi Azkargorta zenari eskainitako liburuxka biografikoa (Aintzane Larrañaga kazetariak idatzia) aurkeztu zuen Uztarria Komunikazio Taldeak Sanagustin kulturgunean.
  • 2014-12-31. Erloko tontorreko gurutzea desagertu zela jakinarazi zuen Lagun Onak Mendi Bazkunak.
  • 2014-12-30. Patxi Azkargortari eskainitako liburuxka biografikoa aurkeztu zuen Uztarriak, Aintzane Larrañagak idatzia.
  • 2014-12-20. Ion Etxeberriak, Koteto Ezkurrarekin bikotea osatuz, hirugarren aldiz irabazi zuen Binakako Erremonte Txapelketa. Ezkurra II.a eta San Miguel 40-35 gainditu zituzten finalean, Galarretan.
  • 2014-12-20. Kadete nesken Gerdau ISB saskibaloi taldeak jaso zuen 2014ko Azpeitiko Kirolaria saria.
  • 2014-12-19. Lapatx zabortegiaren itxiera 2015eko udazkenera atzeratuko zutela iragarri zuten Diputazioak, GHK-k eta Urola Erdiko Mankomunitateak; otsailean, urte berean baina apirilean itxiko zutela esan zuten.
  • 2014-12-17. Guillermo Aizpuru zena omendu zuen Diputazioak, frankismo garaian bortxazko lanak egin zituzten beste gipuzkoar batzuekin batera. Abenduaren 3an hil zen Aizpuru eta haren bilobak jaso zuen oroigarria.
  • 2014-12-12. Madalenako ermitaren ondoko etxebizitza eraitsi zuten.
  • 2014-12-7. Jabi Agirre Sevilla II espetxetik atera zen. ETAko talde bati laguntzea egotzita, 2003tik zegoen kartzelan.
  • 2014-11-28. Lakrikun taldearen 'Non gaude?' lanak irabazi zuen Euskal Antzerki Topaketetako Ikusleen Saria.
  • 2014-11-27. 'Mugarria' aurkeztu zuen Uztarriak, Kultur Koordinakundearen 16 eta aldizkariaren 15 urteko ibilbidea jasotzen duen ikus-entzunezkoa.
  • 2014-11-27. Ildefonso Gurrutxaga eta Garate Anaia kaleak lotzeko igogailua inauguratu zuten.
  • 2014-11-25. Nafarroako Gobernuaren Sorkuntza Literarioko Saria irabazi zuen Koldo Azkune Etxebarrik, 'Garatea' nobelarekin.
  • 2014-11-16. Inazio Agirre 'Ederti' hil zen. Umeen danborradako aurreneko karrozaren egilea (1958), 2005a bitartean 37 karroza egin zituen.
  • 2014-11-13. Jose Luis Otamendik 'Kapital publikoa' poema liburua aurkeztu zuen.
  • 2014-11-7. Pako Aristik 'Euskararen isobarak, hamasei gezur handi eta koda bat' liburua aurkeztu zuen.
  • 2014-11-5. Antxieta Arkeologia Elkartekoek Ezkuztako kobazuloan aurkitutako Madeleine aldiko bi haga aurkeztu zituzten.
  • 2014-11-1. Mikel Larrañagak Euskal Herriko Bigarren Mailako Aizkora Txapelketa irabazi zuen, Asteasun.
  • 2014-10-22. Alberdineko etxea botatzen hasi ziren.
  • 2014-10-21. Plaza berritzeko obrak tarteko, Done Jakue kalean jarri zituzten lehen aldiz astearteroko azokako postuak.
  • 2014-10-18. Amets Amubietak eta Maialen Aldalurrek XXXVIII. Euskal Herriko Dantza Suelto Txapelketa irabazi zuten, Seguran.
  • 2014-10-16. Lapatxeko zabortegia 2015eko apirilean itxiko zutela berretsi zuen Martin Garitano Gipuzkoako ahaldun nagusiak.
  • 2014-10-14. Plaza Nagusia berritzeko lanak hasi zituzten.
  • 2014-10-14. Nagore Aranburuk emakumezko aktore onenaren saria irabazi zuen Tokioko Latin Beat jaialdian, 'Loreak' filman egindako lanari esker.

Imanol Eliasek 2003ko abenduan aurkeztu zuen Azpeitiko Efemerideak liburua. Geroztik, Uztarria Komunikazio Taldeak hartu du efemerideen datu-basea osatzeko ardura. Efemeride guztiak, hemen dituzue kontsultagai. Informazio gehiago

Bilaketa efemerideetan