Denboraldiko bigarren garaipena Mikel Elorzarentzat

Mikel Elorza Lan Mobel jubenil mailako txirrindulariak irabazi zuen larunbatean jokatu zen Uzarraga XXXV igoera. Antzuolan jokatu zuten lasterketan, txirrindulariek 81 kilometro egin behar izan zituzten. Guztira 82 parte-hartzaile izan ziren. Karrera erdialdean, 10 lagun inguruk ihes egin zuten tropeletik, eta horien artean ziren Mikel Elorza eta Imanol Arizmendi. Azken honek zorte txarra izan zuen eta proba utzi egin behar izan zuen. Lan Mobeletik Elorza bakarrik geratu zen aurrean. Lan Mobeleko txirrindulariak Azpiru-Azetxe taldeko Unai Intziarte izan zuen lehiakide azkeneko metroetan; bukaera estua izan zen baina Elorzak irabazi zuen azken sprintean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide