Uda giroko eguraldiak lagunduta, goiz erdirako beteta ziren Sanjuandegiko terraza gehienak, eta trikitilariak izan dira Auzo Egunari musika jartzen aurrenak. Eguerdi parteko hitzordu nagusia, ordea, karpan izan da. 13:00ak puntuan hasita, kontzertua eman du Udal Musika Bandak, eta ikusmina sortu du emanaldiak; herritarrentzat prestatutako aulki guztiak berehala bete dira, eta batek baino gehiagok zutik jarraitu behar izan dute zuzeneko musika saioa.