Aurtengo Euskal Herria Zuzenean festibala ekainaren 30ean hasiko da Irisarrin (Nafarroa Beherea). Hiru egunetako jaialdian, besteak beste, Willis Drummond, Gatibu, Liher, Arima, Afrika Bibang, Belako, Aho Zakil Konekxion, Vapa, Kuma No Motor, aKts, Muare, Kristonak, Kolinga, Ada Oda, Mandarine, Soulfly, Madmadmad, Habia eta Mice taldeen kontzertuak izango dira.
Uztarriak jaialdiko hiru eguneterako sarrera bikoitz bat zozkatuko du bere bazkideen artean, eta horiek ekainaren 7ko 12:00ak arte dute zozketan parte hartzeko aukera. Horretarako, honako lotura honetan eman daiteke izena, edota 943-56 01 64 telefonora deituta. Telefonoz egiten dutenek NAN zenbakia eta zozketaren kodea tekleatu beharko dituzte. Kasu honetan, zozketaren kodea 50 da.