Orkatz kultur elkarteak Bi arnas dokumentalaren proiekzioa eta solasaldia antolatu du asteazkenerako, hilak 24. Jon Mikel Fernandezek zuzendutako ikus-entzunezkoa da Orkatzen eskainiko dutena, eta tortura du gai. Zehazki, modu batera edo bestera tortura jasan duten ama-alaben istorioa kontatzen du, testigantza gogorren bitartez. Fernandezek Iratxe Sorzabalen eta Mari Nieves Diazen istorioak jaso ditu dokumentalean. Emanaldia 19:00etan hasiko da, eta irekia eta doakoa izango da.