Pertsona batek lan istripua izan du Danona lantegia izan zen lokal batean

Danona lantegia izandakoan jazo da ezbeharra. (Euskadiko Suhiltzaileak)

Langile bat sei metroko altueratik erori da lurrera Anardi industrialdeko 1. zenbakian kokatuta dagoen lokal batean. Larrialdi zerbitzuak joan dira hara, eta zauritutako pertsona Donostia Ospitalera eraman dute.

Langile bat zauritu da gaur, astelehena, goizean, Anardi industrialdeko 1. zenbakian dagoen lokal batean izan den istripuan. Gune horretan Danona enpresa zegoen lehen, eta hango lokal batean jazo da ezbeharra. Suhiltzaileek Uztarria.eus-i azaldu diotenez, pertsona bat sei metroko altueratik erori da lurrera, zehazki, sabaitik bigarren solairura. Larrialdi zerbitzuak joan dira hara, eta zauritutako pertsona Donostia Ospitalera eraman dute.