Emakumeen binakako pala txapelketa antolatu du Urola Erdiko Itaiak

Azpeitiko Frontoi Txiki pilotalekuan jokatuko dute txapelketa.

Abenduaren 8an, ostegunez, Azpeitiko Frontoi Txikin jokatuko dute Urola Erdiko Itaiak antolatutako binakako pala txapelketa. Dagoeneko zabaldu dute izen-ematea, eta horretarako aukera Haginpe eta Urola Express tabernetan jarri dute Azpeitian.

Urola Erdiko Itaiak emakumeen binakako pala txapelketa antolatu du abenduaren 8rako. Ostegunez, 10:00etan hasita jokatuko dituzte pala partidak Azpeitiko Frontoi Txiki pilotalekuan. Txapelketa amaitu ondoren, berriz, luntxa egingo dute partaideek eta antolatzaileek.

Dagoeneko zabaldu dute txapelketarako izen-ematea, eta zabalik egongo da datorren igandera bitartean. Urola Erdiko Itaiak Haginpe eta Urola Express tabernetan jarri du Azpeitian txapelketarako izena emateko aukera. Azkoitiko Dean tabernan eta Zestoako jubilatuen tabernan ere eman ahalko da izena.