Astelehenean izango da datorren asteko azoka bakarra

Astearteetako azokaren irudi bat.

Asteartea jaieguna denez, bezperara aurreratu dute asteroko hitzordua. Ostirala ere jaieguna izango da, eta berez egun horretan egin ohi den azokarik ez dute egingo datorren astean.

Asteartea eta ostirala, irailaren 6a eta 9a, jaiegunak izango dira datorren astean, eta horrek eragin zuzena izango du Azpeitiko azoken egutegian.

Horrela, azoka bakarra egingo da datorren astean herrian, eta ezohiko egunean izango da bera, astelehenean. Asteartean egin ohi den azoka egun nagusiaren lekuan egingo dute astelehenekoa. Aitzitik, ostiral arratsaldeetan Azoka Plazan egiten den baserritarren azokak ez du ordezko datarik izango; datorren astean ez dute egingo azoka hori.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide