Haurrentzako identifikazio eskumuturrekoak banatuko ditu udalak

Identifikazio eskumuturreko bat.

Haurren bat galtzen bada, herritarrak edo Udaltzaingoa ume horren gurasoekin edo arduradunarekin berehala jar dadin harremanetan banatuko dituzte eskumuturrekoak. Festetan eskuratu ahal izango dira horiek Udaltzaingoaren bulegoan.

Saninazioetan, haurrentzako identifikazio eskumuturrekoak banatuko ditu Azpeitiko Udalak. Haurraren izena eta gurasoena edo arduradunen batena jarri beharko dira eskumuturrekoetan, eta horiek Udaltzaingoaren bulegoan eskuratu ahal izango dira, doan.

Haurren bat galduz gero, herritarrak edo Udaltzaingoa ume horren gurasoekin edo arduradunarekin harremanetan berehala jartzeko asmoz banatuko ditu erakundeak eskumuturrekoak. Gainera, Udaltzaingoaren 092 zenbakia ere zehaztuta izango da horietan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide