Santio eguneko erantzuna tarteko, Mixio taldeak eskerrak eman dizkie herritarrei

Hainbat boluntario aritu ziren Santio Egunean txekor pintxoak prestatzen plazan.

Aurtengoan, 5.450 euro bildu ditu taldeak, eta zenbateko hori Afrikako bi proiektutara zuzenduko du. Txekor erre pintxoak saldu zituzten Santio Egunean plazan.

Santio Egunean, txekor erre pintxoak saldu zituzten Mixio taldeko kideek plazan, eta herritarrei nahiz udalari eskerrak eman dizkie taldeak, jasotako erantzuna tarteko. Aurtengoan, 5.450 euro bildu ditu taldeak, eta zenbateko hori Afrikako bi proiektutara zuzenduko du: zati bat Kamerungo Douala herriko Makepe Missoke umezurztegian hainbat lan egiteko erabiliko dute, eta beste zatia, Tanzaniako Kilimanjaroko Moshi herriko eskolarentzat jangela eta okindegia lortzeko.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide