Izarraitz pilotalekuan ospatu dute udalekuetako haurrek San Fermin Txiki eguna

Alde Zaharrean barrena egin behar zuten udaleku irekietako kideek San Fermin Txiki eguna, baina eguraldi makurra medio, Izarraitz pilotalekuan egin behar izan dute. Pregoia irakurri dute lau haurrek, eta ondoren, entzierroa egin dute.

San Fermin bezpera da gaur, uztailak 6, eta Iruñean ez ezik Azpeitian ere jaien hasieraz gozatzeko aukera izan dute udaleku irekietako dozenaka haur eta gaztetxok. Asmoa Alde Zaharrean barrena entzierro txikia egitea zen, baina eguraldi makurrak udalekuetako kideen asmoak zapuztu ditu, eta Izarraitz pilotalekuan egin behar izan dute jaia. Hala eta guztiz, erruz gozatu dute herritarrek San Fermin Txiki egunaz. Hasteko, pregoia irakurri dute udalekuetako lau kidek, eta horren ostean, entzierroa izan da pilotalekuan barrena. Jaia borobiltzeko, berriz, bizpahiru koreografia egin dituzte haur eta gaztetxo denek batera.

Erlazionatuak

Aterpean, baina betiko zirrararekin ospatu dute San Fermin Txiki eguna herriko haurrek

Jaiak

Euria tarteko, ezin izan dute ohiko entzierroa Alde Zaharreko kaleetan barrena egin, baina Izarraitz pilotalekuan elkartu dira pregoia irakurri eta...
Jai giroan ospatu dute San Fermin festen hasiera San Martin egoitzan

Jaiak

Egoitzako langile eta egoiliarrek elkarrekin ikusi eta ospatu dute San Fermin festen hasiera, urteroko ohiturari jarraituz.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide