Atzeratu egin dute XVI. mendeko Azpeitia ezagutzeko bisita gidatua

Madalenako ermita eta ospitalea.

Iraurgi Berritzenek jakinarazi duenez, aurrerago egingo dute herriko jauregiak eta etxeak ikusteko bisita gidatua.

Iraurgi Berritzen garapen agentziak Loiolako turismo bulegoaren bidez kudeatzen duen Urola Turismoak bisita gidatuen programaren aurtengo udako edizioa aurkeztu du. Loiola bailara, historia eta paisaia bazterrak izenpean, eskualdeko ondarea ezagutzeko doako bisita gidatuak eta ibilaldiak egiteko aukera izango da irailera bitartean. Biharko, zapaturako, bisita gidatu horietako bat egiteko asmoa zuten Azpeitian; hain zuzen ere, Azpeitia XVI. mendean izeneko bisita gidatua. Jarduera hori, baina, atzeratu egin dute, eta data berria jartzen dutenean jakinaraziko dutela zehaztu du Iraurgi Berritzenek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide