Malen Etxekoek LHE Erregularizazioa kanpainaren aldeko sinadurak bilduko dituzte bihar plazan

Etorkinen erregularizazioaren alde sinadurak bilduko dituzte Malen Etxeko kideek bihar, ostirala, plazan. 18:00etan hasiko dira sinadurak biltzen, eta 19:30ean La Maleta Loca deituriko performance-a eskainiko dute Malen Etxekoek.

LHE Erregularizazioa kanpainaren barruan, bihar, ostirala, etorkinen erregularizazioaren inguruko Legegintzako Herri Ekimenaren aldeko sinadurak biltzen izango dira plazan Malen Etxeko kideak. "Justizia sozialagatik", 600.000 pertsona eta 150.000 neska-mutil erregularizatzearen alde bilduko dituzte sinadurak, eta 18:00etatik aurrera izango dira zeregin horretan. Bestalde, Malen Etxeko kideek erregularizazioaren aldeko La Maleta Loca deituriko performance-a eskainiko dute, 19:30ean hasita.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide