Erretz Txapelketarekin, joan zen zapatuan hasi ziren Korputz jaiak ospatzen Elizkalean, eta bihar jarraituko dute egitarauarekin. Hain zuzen ere, 18:00etan hasiko dituzte festak, Juan Antxieta musika eskolako ikasleen kalejirarekin. 19:00etan, berriz, Elizkaleko hildako bizilagunen aldeko meza izango da Bakardadearen kaperan.
Etzi ere izango da ekitaldirik; 18:00etan Juan Antxieta musika eskolakoen kalejira izango da, eta 19:30etik aurrera, Kantujirakoek girotuko dute kalea. Zapaturako ere hainbat hitzordu jarri dituzte jaien antolatzaileek; besteak beste, Itsasi dantza taldekoen emanaldia, txistu poteoa, afaria nahiz Imuntzo eta Belokiren erromeria izango dira.
Hona hemen Korputz jaietako aurtengo egitaraua:
Bihar, osteguna
18:00. Juan Antxieta musika eskolakoen kalejira.
19:00. Kaleko hildakoen aldeko meza, Bakardadearen kaperan.
Etzi, ostirala
18:00. Juan Antxieta musika eskolakoen kalejira.
19:30. Kantujirakoen kalejira.
Ekainak 25, zapatua
13:00. Itsasi dantza taldekoen emanaldia.
19:30. Txistu-poteoa, Irantzu Gilekin.
20:00. Lagunarteko afaria, Mendizaleen tabernan.
22:30. Imuntzo eta Belokiren erromeria.
00:00. Festetako zozketa.