Ordiziara joan da pala luzeko Gipuzkoako txapela

Izarraitz pilotalekuan jokatu zuten finala atzo goizean Ordiziak eta Andoainek, eta justu-justu eskuratu zuten aurrenekoek txapela, 45-43 emaitzarekin. Aurrez, hirugarren eta laugarren postuak erabakitzeko partida jokatu zuten Ilunpek eta Tolosak, eta azken hori izan zen garailea, 30-45 emaitzarekin.

Atzo, igandea, Izarraitz pilotalekuan jokatu zituzten Gipuzkoako Pala Luzeko Txapelketako finala eta hirugarren eta laugarren postuak erabakitzeko partida.

Finala 11:00etan hasi zen, eta markagailua ia berdinduta amaitu zuten norgehiagoka Ordiziako Oianguk eta Andoaingo Gaztelekuk. 45-43 emaitzarekin, ordiziarrentzat izan zen garaipena azkenean.

Partida horren aurretik jokatu zen hirugarren eta laugarren postuak erabakitzeko lehia. Etxekoak, Ilunpek, Tolosa izan zuen aurkari, eta azkenean bigarren horrek lortu zuen garaipena, 30-45 emaitzarekin. Txapelketako sailkapen nagusian, beraz, laugarren gelditu da Azpeitia.

Argazkiak: Onintza Lete Arrieta eta utzitakoak.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide