Uztailaren 18rako jarri dute artilea jasotzeko hitzordua Azpeitian

Anardin egindako artile bilketa bateko irudia. (Landaola)

Egun horretan Lasaoko Anardi industrialdearen ondoko aparkalekuan egingo dute artilearen bilketa. Artilea eraman nahi dutenek aurrez hitzordua eskatu beharko dute.

Uda sasoiko artile bilketa ekainaren 29a eta uztailaren 27a bitartean egingo du Landaola Gipuzkoako landa garapen elkarteen federazioak, eta Azpeitian jarri du hitzorduetako bat. Uztailaren 18an, astelehenez, Lasaoko Anardi industrialdearen ondoko aparkalekuan egingo dute bilketa.

Egun horretan artilea eraman nahi dutenek aurrez hitzordua eskatu beharko dute 627 45 23 97 telefono zenbakira deituta. Bilketaren egunean ordainagiria aurkeztu beharko dute herritarrek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide