Sokamuturrarekin hasi dituzte nuarbetarrek Trinitate jaiak

Batzuk zezenaren aurrean korrika, eta besteak haiei begira; horrela hasi dituzte auzoko festak bi urteko etenaren ondoren Nuarben, eta hiru egunetan izango da zer gozatua. Gaur, adibidez, 19:00etan poteoa egingo dute Azpeitiko Kantu Jira taldearekin; 20:30ean, herri afaria izango da; eta gauean, 23:30etik aurrera, Garilak 26 musika taldea.

Nuarben gaur arratsaldean hasi dituzte Trinitate jaiak. Ohi bezala, txupinazoak eman die hasiera festei, eta handik gutxira hasi da egitarauko aurreneko ekintza: sokamuturra. Jende asko elkartu da, bai zezenen aurrean korrika egitera, bai horiek ikustera. 16:30ean hasi, eta ordubetetik gora iraun du sokamuturrak.

Aurreneko egunari jarraipena emateko, poteoa egingo dute Azpeitiko Kantu Jira taldearekin 19:00etan hasita, eta herri afaria izango da frontoian gero, 20:30ean. Sokamuturra hasterako prest zuten dena mahai luzeetan.

Eguna amaitzeko, berriz, Garilak 26 musika taldea igoko da oholtzara, 23:30ean.

Nuarbetarrek bihar, igandea, eta etzi, astelehena, jarraituko dute festan murgilduta. Hemen ikus daiteke egitaraua. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide