Ikasleek herriko berdeguneez egindako lanketak eta hausnarketak partekatu dituzte udal ordezkariekin

Ikasleak ikasturtean zehar egindako hausnarketak udal ordezkariekin partekatzen udaletxean. (Azpeitiko Udala)

Urtero bezala, Agenda 30 proiektuaren bueltan lanean aritu dira herriko ikastetxeetako ikasleak, eta aurten Azpeitiko berdeguneak izan dituzte aztergai. Hori dela eta, gaiaz egindako gogoetak partekatu dituzte udaleko ordezkariekin udaletxera egindako bisitan. 

Azpeitiko ikastetxeetako ikasleak ikasturtean zehar Agenda 30 proiektuaren bueltan lanean aritu dira, eta, orain, hilabeteetan egindako lanketak eta hausnarketak partekatu dituzte Azpeitiko Udaleko zinegotziekin. Hain zuzen, aurten, herriko berdeguneak izan dituzte aztergai Agenda 30 egitasmoaren barruan, eta horiez egin dute gogoeta ikastetxeetako gaztetxoek.

Azken urteetan bezala, ikasleek bisita egin dute udaletxera, hausnarketak eta proposamenak udal ordezkariekin elkarbanatzeko. Leire Goenaga Hezkuntza batzordeburua eta Aitor Bereziartua Ingurumen batzordeburua elkartu dira ikasleekin, eta haien iritziak eta proposamenak entzun dituzte, ikasleen galderei erantzutearekin batera. 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide