Juanjo Altuna: "Zegoen mailarekin, ez nuen espero irabazterik, eta oso pozik nago"

22 helduk eta 18 haurrek eta gaztetxok parte hartu dute egitasmoaren lehen edizioan, eta irabazleekin nahiz parte hartzaile hainbatekin hitz egin du Erlo Telebistak honako bideo honetarako.

Juanjo Altunak irabazi zuen atzo Azpeitian egin zen I. Kale Pintura Lehiaketa. 22 helduk eta 18 haurrek eta gaztetxok parte hartu dute egitasmoaren lehen edizioan, eta beraz, "arrakastatsua" izan dela adierazi zuten haren antolatzaileek.

Altuna arrasatearrarekin nahiz Izeia Rodriguez haurren mailako garailearekin hitz egin du Erlo Telebistak, baita lehiaketako hainbat parte hartzailerekin ere. Honako bideo honetan ikus daitezke haien adierazpenak.

Lehen edizioa irabaztea "amets" bat dela azaldu zuen Altunak: "Zegoen mailarekin, ez nuen espero irabazterik, eta oso pozik nago".

Erlazionatuak

Juanjo Altunak irabazi du I. Kale Pintura Lehiaketa

kultura

Guztira, 22 helduk eta 18 gaztetxok parte hartu dute lehiaketaren lehen edizioan, eta epaimahaiak egindako lanen balorazio oso positiboa egin du, p...

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide