Azpeitiko Rallysprintean parte hartuko duten autoen egiaztapenak egiten ari dira

10:00etatik epaitegiaren ondoko plazan daude rallysprintean parte hartuko duten autoak; izan ere, horien egiaztapen administratiboak eta teknikoak egiten ari dira. 14:30ean hasiko da proba, Antzibar poligonotik, eta sari banaketa 19:00etan egitea aurreikusten dute antolatzaileek.

Eguerdian hasiko da Azpeitiko Rallysprintaren XXII. edizioa, eta 10:00etatik lasterketan parte hartuko duten autoen egiaztapen administratiboak eta teknikoak egiten ari dira Garoa kafetegian eta epaitegiaren plazan. Herritar hainbat ere joan da autoak ikustera eta, ohiko moduan.

32 gidari-kopilotu bikotek eman dute probarako izena, eta horien autoak ikusgai izango dira epaitegiaren atarian, eguerdira bitartean. Izan ere, parte hartzaileak 13:30ean aterako dira plaza horretatik Antzibar poligonora. Lehen parte hartzaileak, berriz, 14:30ean ekingo dio lehen mangari. Sari banaketa ekitaldia 19:00etan epaitegiaren ondoko plazan egitea aurreikusten dute antolatzaileek.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide