Urte luzeko ibilbidearen ostean, futbolari agur esango diote Eguzkiñe Peñak (Azpeitia, 1992) eta Izaro Zinkunegik (Errezil, 1992), bihar. Futbolari baino futbolari ibilbideari esango diote agur, bizipen bete motxila soinean hartuta. Bientzat berezia izan da futbolari esker bizitakoa. Peña futbolari profesionala izandakoa da; Zinkunegi, aldiz, hainbat taldetan aritutakoa. Azken urteak elkarrekin egin dituzte Lagun Onaken emakumezkoen taldean, eta bihar jokatuko dute azken partida Garmendipeko zelai artifizialean, 15:30ean hasita. Agurraren atarian, "pozik eta urduri" daudela diote, eta zelaian dena emateko gogoz.