Iazko etenaren ondoren, Hoi Denk Zirkuerekin gozatzeko aukera izan dute gaur, 18:00etatik aurrera, Azpeitiko Gaztetxean bildutako haur eta helduek. Azpeitiko Gaztetxeak antolatutako zirku emanaldiaren bosgarren edizioa Xanti Agirrezabala aktoreak aurkeztu du, eta Iago Magok, Jone Muñekasek, Julen magoak eta Ekain pailazoak parte hartu dute. Hainbat diziplinatako ikuskizunak egin dituzte Gaztetxeko agertokian: magia, malabareak, oihal akrobaziak, dantza...