Azpeitiko Bertan merkatarien elkarteak egin du dagoeneko Errege Magoen zozketa, eta hiru zenbaki saridun jakinarazi dituzte: 15.724, 41.606 eta 41.827. Maitane estetika zentroan, Valverde drogerian eta Bossi moda dendan banatu dituzte hurrenez hurren zenbaki horiek. Bestalde, ordezko zenbakiak zeintzuk diren ere esan dute: 15.608, 41.727 eta 41.824. Dendetan gastatzeko 500 euroko bonu bana jasoko dute irabazleek.
Hiru zenbaki horien jabeek urtarrilaren 31 baino lehen jarri beharko dute harremanetan Azpeitiko Udalarekin edo Bertanekin sariak jasotzeko.