Elene Viles, Emakumeen Lehen Maila Nazionaleko bere multzoko erdilari onena

Elene Viles. (Real Sociedad)

Golsmedia 2021 sarietako bat jaso du azpeitiarrak, 2020-2021 denboraldian Realaren bigarren taldean eginiko lanagatik.

Joan den denboraldian Espainiako gizonen Bigarren B Mailan, Hirugarren Mailan eta Jubenilen Ohorezko Mailan, eta emakumeen Iberdrola eta Retro Iberdrola ligetan eta Lehen Maila Nazionalean aritu ziren 200 jokalari eta entrenatzaile saritu zituzten joan den astelehenean Golsmedia 2021 sarietan, eta Elene Viles azpeitiarra izan zen saria jaso zutenetako bat.

Hain zuzen ere, Emakumeen Lehen Maila Nazionaleko bigarren multzoko 2020-2021 ligako erdilari onenaren saria eman diote Vilesi, Realaren bigarren taldearekin egindako lana aitortuz.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide