Bira Zapatistaren barruan, hitzaldia eskaini dute Azoka plazan

Bira Zapatistaren barruko hitzaldia, Azoka plazan. (Anartz Izagirre)

Bost zapatistaren esperentzia ezagutzeko aukera izan da gaur Azoka plazako areto nagusian, eta hainbat herritar joan da solasaldia entzutera.

Bizi Bira Zapatista egiten ari dira hainbat kide Europan zehar, eta dagoeneko Euskal Herrira iritsi dira. Gaur, gainera, geldialdia egin dute Azpeitiko Azoka plazan, eta bost zapatistaren esperientzia ezagutzeko aukera izan da bertan. Bertsoekin egin diete harrera solasaldian parte hartu duten hizlariei, eta, ondoren, beren borrokaren nondik norakoak azaldu dituzte protagonistek. Hainbat herritar joan da solasaldia entzutera.

EZLN Askapen Nazionaleko Armada Zapatista 1994ko urtarrilaren 1ean altxatu zen Chiapasen (Mexiko hego-ekialdean), indigenen eskubideen alde borroka egiteko. Ordutik, "lana, lurra, etxebizitza, elikadura, osasuna, hezkuntza, independentzia, askatasuna, demokrazia, justizia eta bakea" lortzeko lanean ari dira zapatistak.

Joan zen maiatzean Bira Zapatistari babesa emateko argazkia atera zuten hainbat lagunek plazan.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide