Azpeitiko 64 korrikalarik amaitu dute Behobia-Donostia lasterketa

Lasterketaren irteera puntua. (Behobia-Donostia)

75 azpeitiar zeuden izena emanda, eta 64k amaitu dute proba. Unai Zialtzeta eta Ane Alberdi izan dira azkarrenak. Ioseba Aizpurua patinatzaileak ere parte hartu du proban.

Urtebeteko geldialdiaren ostean, Behobia-Donostia lasterketa jokatu dute gaur, eta ohi bezala, hainbat azpeitiarrek parte hartu dute proban. Guztira, Azpeitiko 75 pertsona –izena ematean bizileku gisa Azpeitia hautatu dutenak– zeuden izena emanda, baina horietatik 64k amaitu dute proba; gainontzeko 11k ez dira helmugara iritsi.

Gizonetan, Unai Zialtzeta izan da azkarrena; 01:11:22 denbora behar izan du hogei kilometroko lasterketa amaitzeko. Emakumeetan, berriz, Ane Alberdi izan da azkarrena; 01:21:08 denbora egin du hark. Bestalde, patinatzaileen kategorian, herritar batek parte hartu du: Ioseba Aizpuruak, hain zuzen ere, eta 48:41 denbora egin du hark.

Lotura honetan ikus daiteke korrika parte hartu duten azpeitiarren zerrenda, eta honako honetan patinatzaileena.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide