Bularreko minbiziaren aurka, zumba

Festa Arroxa egin dute Udal Igerilekuan, zumba eginez bularreko minbiziarekiko kontzientzia sustatzeko. Hainbat lagunek parte hartu dute ekintzan, kamiseta arrosak soinean.

Zumba eginez bularreko minbiziarekiko kontzientzia sustatzeko, Festa Arroxa egin zuten atzo, ostirala, Udal Igerilekuan. Bularreko Minbiziaren Aurkako Nazioarteko Eguna da urriaren 19a, eta egun horren bueltan antolatu zuten saioa BPXport enpresak eta Azpeitiko Kirol Patronatuak. Regla Hernandez eta Lara Idoeta irakasleen gidaritzapean, hainbat lagun elkartu ziren ekintzan, eta giro ederra nagusitu zen. Gainera, kamiseta arrosak jantzi zituzten partaideek, bularreko minbiziaren kontrako borrokaren erakusle.

Hernandez zumba irakaslearen arabera, Immunitate sistema indartzeko eta minbizia bezalako gaitzak saihesteko modu bat da ariketa fisikoa egitea. Atzoko saioaren bidez, kontzientzia hori hedatu nahi izan zuten herritarren artean.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide