'Aita Mari' itsasontziaren errealitatea Azpeitira ekarri du Munoandik

Munoandik antolatutako hitzaldia Sanagustinen izan zen.

Itsas Salbamendu Humanitarioa (ISH) gobernuz kanpoko erakundearen Aita Mari itsasontziaren proiektua izan zuten hizpide atzo, asteartea, Sanagustin kulturgunean. Izan ere, Munoandi elkarteak antolatuta, itsasontzi horren koordinatzaile Nerea Machado azkoitiarrak solasaldia eskaini zuen 19:00etan hasita. Dozenatik gora lagun izan ziren kulturgunean, eta horiek dokumental bat ikusteko nahiz itsasontziko kide batekin zuzenean hitz egiteko parada izan zuten.

Atzokoa martxan den egitasmo zikloko lehen solasaldia izan zen, baina datorren astean, adibidez, Espainiako Gerran oinarritutako erakusketa bat jarriko du Foru Ibilbidean. Azaroan, berriz, Mendebaldeko Saharari buruzko mahaingurua egingo dute.

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide