Udazkeneko kultur eskaintzari ale berriak gehitzen ari zaio Kulturaz kooperatibak. Horrela, azaroaren 20rako, zapatua, Antton Telleria kazetari eta umoregilearen emanaldia iragarri dute. Nekatutak bakarrizketa aurkeztuko du Telleriak Soreasu antzokian, 22:00etan hasita.
Emanaldi horretarako sarrerak dagoeneko salgai daude Kulturaz.eus webgunean, 10,50 euroren truke. Kultur Bonoa dutenek hura erabilita lor dezakete sarrera, doan.