'Maixabel' eta 'El bebe jefazo' filmak emango dituzte aste honetan Soreasun

'Maixabel' filmeko irudi bat.

Maixabel filma larunbatean, igandean eta astelehenean emango dute; El bebe jefazo: Negocios de familia haurrentzako filma, aldiz, igandean.

Aste honetan bi film ikusteko aukera izango da Soreasu antzokian. Alde batetik, Maixabel filma eskainiko dute larunbatean (22:00), igandean (19:30) eta astelehenean, ikuslearen egunean (21:00). Maixabel filmak 2000. urtean ETAk hildako Juan Maria Jauregiren emazte Maixabel Lasaren istorioa kontatzen du. Hilketa gertatu eta hamaika urte geroago ezohiko eskaera bat jasotzen du: hiltzaileetako batek berarekin hitz egitea eskatu du Langraiz Okako espetxean (Araba). Zalantzak izan arren, Maixabelek onartu egiten du haiekin hitz egitea.

Bestetik, haurrei zuzenduriko El bebe jefazo: Negocios de familia animaziozko filma igandean, hilak 10, izango da ikusgai, 16:30etik aurrera. Sinopsiak dioenez, Templeton anaiak heldu bilakatu dira eta aldendu egin dira elkarrengandik, baina ume nagusi bat biak elkartzeko prest dago.

Hona hemen bi filmen aurrerapen bideoak:

Maixabel

El bebe jefazo: Negocios de familia

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide