Hasi da Organo Erromantikoaren Nazioarteko XXII. Zikloa

Loreto Fernandez Imaz organo jotzaileak eta Ainhoa Zubillaga mezzoak kontzertua eskaini zuten atzo, ostirala, Loiolako basilikan. Musika emanaldi horrekin abiatu dute aurtengo organo erromantikoaren zikloa.

Atzo iluntzean izan zen Organo Erromantikoaren Nazioarteko XXII. Zikloaren aurreneko kontzertua, Loiolako basilikan. Atzokoan, Loreto Fernandez Imaz organo jotzaile eta Ainhoa Zubillaga mezzo donostiarrek eskaini zuten musika emanaldia.

Ainhoa Zubillaga mezzoa, atzo Loiolako basilikan.

Ohi bezala, Loiolako basilikan, Azkoitiko parrokian nahiz Bergarako Santa Marina elizan eskainiko dituzte zikloaren barruko organo kontzertuak. Loiolan izango den hurrengo emanaldia urriaren 8an izango da, 20:00etan hasita. Orduan, Azpeitiko Juan Antxieta eta  Bergarako musika eskoletako organo ikasleak izango dira kontzertuko protagonistak. Organo ikasle horiek dira: Itxaso Alberdi, Anaitz Lizartza, Elena Laka eta Leo Joaristi.

 

 

 

Uztarriak hainbat berrikuntza egin ditu bai webgunean, bai aldizkarian, eta zuen sostengu ekonomikoa behar du aurrera egiteko. Euskaraz, kazetaritza egiten segituko dugu, zuzentasunez eta zehaztasunez, eta zuek bide horretan lagun izatea nahi dugu. Elkarren beharra dugu!


Izan zaitez Uztarriako bazkide